జెనీవా, అక్టోబర్ 17: మయన్మార్ నుంచి బంగ్లాదేశ్‌లోకి చేరుకున్న రోహింగ్యా శరణార్థుల సంఖ్య ఒక్క ఆగస్టులోనే సుమారు 5.8 లక్షల వరకూ ఉందని ఐక్యరాజ్య సమితి వెల్లడించింది. ఇంకా సరిహద్దుల్లో వేలాది శరణార్థులు పడిగాపులు కాస్తున్నారని పేర్కొంది. గతవారం విడుదల చేసిన లెక్కలతో ప్రస్తుత అంకెను పోలిస్తే, ఒక్కవారంలోనే అదనంగా 45 వేలమంది శరణార్థులు బంగ్లాదేశ్‌లోకి చేరినట్టు తెలుస్తోందని పేర్కొంది.

లాహోర్, అక్టోబర్ 17: ముంబయిపై ఉగ్రదాడికి సూత్రధాని హఫీజ్ సరుూద్ గృహనిర్బంధాన్ని పంజాబ్ ప్రభుత్వం పొడిగించనుంది. ప్రజాభద్రతా చట్టం కింద ప్రభుత్వం ఈ నిర్ణయం తీసుకోనున్నట్టు తెలిసింది. ఉగ్రవాద నిరోధక చట్టం కింద జనవరి నుంచి జమాత్ ఉద్ దవా చీఫ్ హఫీజ్ తదితరులు గృహనిర్బంధంలో ఉంటున్నారు.

ఐక్యరాజ్య సమితి ఎన్ని హెచ్చరికలు చేసినా, ముస్లిం మైనారిటీల ఊచకోతను ఆపాలంటూ ప్రపంచ దేశాలు తీవ్ర స్వరంతో హెచ్చరించినా మైన్మార్‌లోని రోహింగ్యాల పరిస్థితి అగమ్యగోచరంగానే ఉంది. మైన్మార్ నుంచి బంగ్లాకు వేలాదిగా తరలిపోతున్న రోహింగ్యాల కోసం శరణార్థ శిబిరాలు ఏర్పాటు చేసినా అవేమీ పనిచేయడం లేదు. సాయంకోసం దైన్యంతో దీనవదనంతో ఓ చిన్నారి ఎదురు చూపులే ఇందుకు నిదర్శనం.

మొగదిషు, అక్టోబర్ 16: కల్లోల సోమాలియా చరిత్రలో ఎన్నడూ లేని రీతిలో జరిగిన ఓ భయానక బాంబు విస్ఫోటన సంఘటనలో మరణించిన వారి సంఖ్య 276కు చేరింది. అలాగే ఈ ఘటనలో గాయపడినవారి సంఖ్య 300కు పైనే ఉందని, వీరిలో చాలామంది పరిస్థితి ఆందోళనకరంగా ఉందని దేశ సమాచార శాఖ మంత్రి అబ్దిరహమాన్ ఉస్మాన్ సోమవారం నాడిక్కడ తెలిపారు.