శ్రీనగర్, జూన్ 1: జమ్మూకాశ్మీర్ సరిహద్దుల్లో పదేపదే కవ్వింపుచర్యలకు దిగుతూ కాల్పుల విరమణ ఒప్పందాన్ని ఉల్లంఘిస్తున్న పాక్‌కు భారత్ సరైన బుద్ధిచెప్పింది. ఎల్‌ఓసి వద్ద భారత్ సైన్యం కాల్పులు జరిపి ఐదుగురు పాక్ రేంజర్లను మట్టుబెట్టింది. రాజౌరీ,పూంచ్ జిల్లాల్లో నౌషేరా, కృష్ణఘాటీ సెక్టార్‌లో గురువారం హోరాహోరీ కాల్పులు చోటుచేసుకున్నాయి. భద్రతాదళాల కాల్పుల్లో ఆరుగురు పాక్ రేంజర్లు గాయపడ్డారు.

మాడ్రిడ్, మే 31: భారత్, స్పెయిన్‌లు ఉగ్రవాద వ్యతిరేక పోరాటంలో పరస్పర సహకారాన్ని, ద్వైపాక్షిక బంధాన్ని మరింత బలోపేతం చేసుకోవాలని ప్రధాని మోదీ పిలుపునిచ్చారు. స్పెయిన్ ప్రధానమంత్రి మారియానోరజోయితో బుధవారం జరిగిన చర్చల సందర్భంగా మాట్లాడిన మోదీ ఉగ్రవాదాన్ని సంయుక్త ప్రయత్నాలతో ఎదుర్కోవల్సిన అవసరం ఎంతో ఉందని తెలిపారు.

ఐక్యరాజ్య సమితి, మే 31: వాతావరణ మార్పు లు ఆహార ఉత్పత్తి, నీటి భద్రత, కెనడానుంచి భారత దేశం దాకా వాతావరణాల తీరు తెన్నులపై తీవ్ర ప్రభావం చూపిస్తాయని ఐక్యరాజ్య సమితి ప్రధాన కార్యదర్శి ఆంటోనియో గుటెరెస్ ప్రపంచ దేశాల నేతలను తీవ్రస్థాయిలో హెచ్చరించారు.

ఢాకా, మే 30: పెను తుపాను మోరా మంగళవారం బంగ్లాదేశ్ వద్ద తీరాన్ని దాటింది. అయితే తీరం దాటే సమయంలో గంటకు 130-150 కిలోమీటర్ల వేగంతో పెను గాలులు వీచడంతో వందలాది ఇళ్లు దెబ్బ తినడంతో అధికారులు తీరప్రాంతాలనుంచి 3 లక్షల మందిని ఖాళీ చేయించారు. స్థానిక కాలమానం ప్రకారం ఉదయం 6 గంటల సమయంలో మోరా తుపాను కాక్స్‌బజార్- చిట్టగాంగ్ మధ్య తీరాన్ని దాటిందని బంగ్లాదేశ్ వాతావరణ విభాగం తెలిపింది.