జకార్తా, జనవరి 1: ఇండోనేసియా రాజధాని జకార్తా సమీపంలో ఆదివారం ప్రయాణికులతో వెళ్తున్న ఓ పడవలో మంటలు చెలరేగడంతో కనీసం 23 మంది చనిపోగా, మరో 17 మంది జాడ తెలియడం లేదని అధికారులు తెలిపారు. ఆదివారం ఉదయం సుమారు 200 మంది ప్రయాణికులతో ఈ పడవ జకార్తానుంచి పర్యాటక కేంద్రమైన టిడుంగ్ దీవికి వెళ్తుండగా మంటలు చెలరేగాయని జాతీయ విపత్తుల నిర్వహణ ఏజన్సీ తెలిపింది.

ఇస్లామాబాద్, డిసెంబర్ 31: భారత్‌తో సింధూ నదీ జలాల ఒప్పందం అమలులో అమెరికా మద్దతును పాక్ కోరింది. కాగా, ఈ సమస్యను భారత్, పాక్ రెండూ సామరస్యంగా పరిష్కరించుకోవాలని అమెరికా విదేశాంగ మంత్రి జాన్ కెర్రీ పిలుపునిచ్చారని శనివారం పాక్ మీడియా కథనాలు పేర్కొన్నాయి.

వాషింగ్టన్/మాస్కో, డిసెంబర్ 30: అధ్యక్ష ఎన్నికల సమయంలో హ్యాకింగ్‌కు పాల్పడ్డారన్న అభియోగాల నేపథ్యంలో రష్యాపై అమెరికా ఆంక్షలు విధించింది. అలాగే 35మంది రష్యా ఏజెంట్లను బహిష్కరించింది. దీనికి ప్రతిగా అమెరికా దౌత్యవేత్తలను బహిష్కరించాలని రష్యా భావించినా చివరి క్షణంలో తన నిర్ణయం మార్చుకుంది.

వాషింగ్టన్, డిసెంబర్ 28: అణు సరఫరా దేశాల కూటమి (ఎన్‌ఎస్‌జి)లో కొత్త సభ్యులను చేర్చుకోవడానికి రూపొందించిన ఓ ముసాయిదా ప్రతిపాదన ఆ కూటమిలో భారత్ ప్రవేశానికి మార్గాన్ని సుగమం చేస్తోందని, అయితే పాకిస్తాన్‌కు మాత్రం అవకాశం ఉండకపోవచ్చని అమెరికాకు చెందిన ఆయుధ నియంత్రణ సంస్థ ఒకటి అంటోంది.