జకార్తా, డిసెంబర్ 3: ఇండోనేసియా పోలీసు విమానం గల్లంతైంది. 16 మందితో వెళ్తున్న విమానం కూలిపోయి ఉంటుందని అధికారులు ఆందోళన చెందుతున్నారు. పశ్చిమ ఇండోనేసియాలో ఇది చోటుచేసుకుంది. ఎం28 స్కైట్రక్ చిన్న విమానం శనివారం మధ్యాహ్నం 1.50 గంటల నుంచి ఎయిల్ ట్రాఫిక్ కంట్రోల్ (ఎటిసి)తో సంబంధాలు తెగిపోయాయి. గల్లంతైన విమానం కూలిపోయి ఉంటుందన్న భయాన్ని పోలీసులు వ్యక్తం చేస్తున్నారు.

దుబాయి, డిసెంబర్ 2: ప్రపంచ వ్యాప్తంగా 55 వారసత్వ ప్రదేశాలు ప్రమాదపుఅంచున ఉన్నాయని ఐరాస సాంస్కృతిక శాఖ వెల్లడించింది. ప్రపంచంలో 1,052 వారసత్వ ప్రాంతాలున్నాయి. వీటిలో 55 వారసత్వ సంపదలను ప్రమాదపుజాబితాలో చేర్చారు. వారసత్వ ప్రదేశాల పరిరక్షణకు యునెస్కో చర్యలు చేపట్టింది. 2016 జూలై నెలలో ఇస్తాంబుల్‌లో జరిగిన యునెస్కో 40వ వార్షిక సమావేశంలో మాలి, ఉజ్‌బెకిస్తాన్‌లు వారసత్వ ప్రదేశాల జాబితాలో చేర్చారు.

వాషింగ్టన్, డిసెంబర్ 1: భారత్‌తో ద్వైపాక్షిక రక్షణ భాగస్వామ్యాన్ని మరింత బలోపేతం చేసుకునే ప్రయత్నంలో భాగంగా ఆ దేశాన్ని అమెరికా ప్రధాన రక్షణ భాగస్వామిగా గుర్తించేందుకు అవసరమైన చర్యలు తీసుకోవాలని అమెరికా కాంగ్రెస్‌కు చెందిన కమిటీ తన నివేదికలో రక్షణ మంత్రికి, విదేశాంగ మంత్రికి సూచించింది.

న్యూయార్క్, నవంబర్ 29: టైమ్ మ్యాగజైన్ ఏటా నిర్వహించే ‘పర్సన్ ఆఫ్ ది ఇయర్’ పాఠకుల పోల్‌లో భారత ప్రధానమంత్రి నరేంద్రమోదీ వరుసగా నాలుగో సంవత్సరం ముందంజలో ఉన్నారు. అమెరికా అధ్యక్షుడిగా ఎన్నికైన డొనాల్డ్ ట్రంప్, అధ్యక్షుడిగా పదవీకాలం ముగిసిపోనున్న బరాక్ ఒబామా, రష్యా అధ్యక్షుడు వ్లాదిమిర్ పుతిన్‌లతో పాటు నరేంద్రమోదీ అగ్రస్థానంలో ఉన్నారు.