ఫ్రాన్స్: పలుదేశాల్లో జరుగుతున్న ఉగ్రవాద దాడులు తమకెంతో ఆనందం కలిగించాయని, ఫ్రాన్స్‌లో ట్రక్కు దాడిలో ఆ దేశ పౌరులు మరణించడం సంతోషం కలిగించిందని ఐసిస్ మద్దతుదారులు సామాజిక మీడియాలో పోస్టింగ్‌లు పెడుతున్నారు. ఐరోపా దేశాల్లో మరిన్ని ఉగ్రదాడులు ఖాయమని వారు హెచ్చరిస్తున్నారు. కాగా, ఫ్రాన్స్‌లో జరిగిన ఉగ్రదాడిలో 80 మంది ప్రాణాలు కోల్పోవడం పట్ల నెటిజన్లు తీవ్ర ఆగ్రహం వ్యక్తం చేస్తున్నారు.

వాషింగ్టన్: ఐసిస్ (ఇస్లామిక్ స్టేట్) ఉగ్రవాదం క్యాన్సర్ వ్యాధిలా దాపురించిందని, తానే అమెరికా అధ్యక్షుడినైతే దాని అంతాన్నా చూస్తానని అమెరికా అధ్యక్షపదవికి రిపబ్లిక్ పార్టీ తరఫున బరిలో నిలిచిన డొనాల్డ్ ట్రంప్ ఘాటుగా వ్యాఖ్యానించారు. ఫ్రాన్స్‌లోని నీస్ నగరంలో గురువారం రాత్రి ఓ ట్రక్కు దూసుకుపోయిన ఘటనలో 80 మంది మరణించడంపై ఆయన శుక్రవారం స్పందించారు.

పారిస్‌: బాస్టిల్‌ డే సంబరాలు చేసుకుంటున్న సమయంలో గురువారం రాత్రి నీస్‌ నగరంలో ఓ ట్రక్కు ప్రజల పైకి దూసుకెళ్లిన ఘటనలో 80 మంది మృతిచెందగా, 100 మందికిపైగా గాయపడ్డారు. 42 మంది పరిస్థితి విషమంగా ఉంది. ట్రక్కులోని వ్యక్తులు, పోలీసుల మధ్య కాల్పులు జరిగాయి. బాస్టిల్‌ డేలో భాగంగా బాణాసంచాను వీక్షిస్తున్న సమయంలోనే ట్రక్కు అధిక వేగంగా పాదచారుల వంతెనపై నుంచి దూసుకెళ్లింది.

న్యూఢిల్లీ, జూలై 14: ఘర్షణలతో యుద్ధ్భూమిలా మారిన దక్షిణ సూడాన్ నుంచి భారతీయులను స్వదేశానికి తీసుకువచ్చేందుకు భారత్ రెండు సైనిక విమానాలను పంపింది. దక్షిణ సూడాన్ రాజధాని జుబాలో చిక్కుకున్న 300మంది భారతీయులను అక్కడినుంచి తరలించేందుకు రెండు సైనిక విమానాలను పంపినట్లు విదేశాంగ మంత్రి సుష్మాస్వరాజ్ ట్వీట్ చేశారు.