వాషింగ్టన్, మే 7: అంగారక గ్రహ వాతావరణంలో ఆక్సిజన్ (ప్రాణ వాయువు) అణువులు ఉన్నాయని శాస్తవ్రేత్తలు కనుగొన్నారు. గత 40 ఏళ్లలో ఇటువంటి ఆవిష్కరణ జరగడం ఇదే తొలిసారి. మీసోస్పియర్‌గా పిలిచే అంగారక గ్రహ వాతావరణంలోని ఎగువ దొంతర (లేయర్)లో ఈ అణువులు ఉన్నాయని, అంగారకుడి నుంచి ఇతర వాయువులు బయటపడి అక్కడి వాతావరణంపై ప్రభావం చూపేందుకు ఇవి దోహదపడుతున్నాయని శాస్తవ్రేత్తలు గుర్తించారు.

సిరియా: తిరుగుబాటు చేసిన ఖైదీలను అదుపు చేసేందుకు పోలీసులు కాల్పులు జరపగా అయిదుగురు ఖైదీలు మరణించిన సంఘటన సిరియాలోని హమా జైలులో జరిగింది. ఉగ్రవాదులకు అనుకూలంగా ఖైదీలు నినాదాలు చేయడంతో గొడవ మొదలైంది. సుమారు 800 మంది ఖైదీలు తిరుగుబాటు చేయగా వారిపై తొలుత పోలీసులు బాష్పవాయువు ప్రయోగించారు. అయినా ఫలితం లేనందున కాల్పులు జరిపారు.

వాషింగ్టన్, మే 3: అమెరికా అధ్యక్ష పదవికి హిల్లరీ క్లింటన్, డొనాల్డ్ ట్రంప్‌ల మధ్యే పోటీ దాదాపు ఖాయమయ్యే పరిస్థితులు కనిపిస్తున్నాయి. కీలక రాష్టమ్రైన ఇండియానా ప్రైమరీల ఓటింగ్ మంగళవారం ప్రారంభం కావడంతో వచ్చే నవంబర్‌లో జరగనున్న అమెరికా అధ్యక్ష పదవికి పోటీ పడే ప్రధాన అభ్యర్థులుగా డోనాల్డ్ ట్రంప్, హిల్లరీ క్లింటన్‌లు పోటీ పడే అవకాశాలు స్పష్టంగా కనిపిస్తున్నాయని తాజా సర్వేలు అంచనా వేశాయి.

హేగ్, మే 3: మెరైన్ల కేసులో అంతర్జాతీయ న్యాయస్థానంలో ఇటలీకి చుక్కెదురైంది. నేరం జరిగింది భారత పరిధిలోనేనని సుప్రీంకోర్టు గనుక నిర్ధారిస్తే హత్యా నేరం ఎదుర్కొంటున్న మెరైన్ సాల్వటోర్ గిరోన్ ఆ దేశానికి అప్పగించాల్సిందేనని ఐక్యరాజ్య సమితి మధ్యవర్తిత్వ కోర్టు మంగళవారం స్పష్టం చేసింది.