S ,7 à 8 RSCA (si SASPAS) et 6 cialis pharmacie cialis rapports de stage.

అంతర్జాతీయం

08/22/2019 - 01:00

వాషింగ్టన్ : ఈ వారాంతంలో ఫ్రాన్స్‌లో జరిగే జీ-7 శిఖరాగ్ర సదస్సులో కాశ్మీర్ అంశంపై భారత ప్రధాని నరేంద్ర మోదీతో మాట్లాడతానని అమెరికా అధ్యక్షుడు డొనాల్డ్ ట్రంప్ వెల్లడించారు. భారత్-పాక్ మధ్య నెలకొన్న ఉద్రిక్తతలను తొలగించేందుకు ప్రయత్నిస్తామని ఆయన తెలిపారు. ఈ అంశంపై సాధారణ పరిస్థితులను పాదుకొల్పేందుకు ప్రయత్నించడం తనకెంతో ఆనందంగా ఉందని ఆయన అన్నారు.

08/22/2019 - 00:01

ఇస్లామాబాద్, ఆగస్టు 21: కాశ్మీర్ వ్యవహారాన్ని సాధ్యమైనంతగా అంతర్జాతీయ సమస్యగా సృష్టించేందుకు పాకిస్తాన్ తన ప్రయత్నాలను మాత్రం మానలేదు. భద్రతా మండలిలో చుక్కెదురు కావడంతో అంతర్జాతీయ న్యాయస్థానంలో ఈ అంశాన్ని ప్రస్తావిస్తామని వెల్లడించిన పాకిస్తాన్ మరో అడుగు ముందుకు వేసి, ఐక్యరాజ్యసమితి మానవ హక్కుల మండలిలో కూడా దీనిని లేవనెత్తేందుకు పావులు కదుపుతోంది.

08/21/2019 - 02:07

ఇస్లామామాద్, ఆగస్టు 20: ఆర్టికల్ 370 రద్దు నేపథ్యంలో కాశ్మీర్ అంశాన్ని అంతర్జాతీయ న్యాయస్థానాన్ని ఆశ్రయిస్తున్నట్లు పాకిస్తాన్ మంగళవారం స్పష్టం చేసింది. ఈ అంశాన్ని అంతర్జాతీయ న్యాయస్థానం దృష్టికి తీసుకెళ్తున్నట్లు ఏఆర్‌వై న్యూస్ టీవీకి పాకిస్తాన్ విదేశాంగ శాఖ మంత్రి షా మహ్మద్ ఖురేషి సూత్రప్రాయంగా తెలియజేశారు.

08/21/2019 - 03:52

మాస్కో, ఆగస్టు 20: అమెరికా తాజాగా జరిపిన క్షిపణి పరీక్షపై రష్యా, చైనాలు విరుచుకుపడ్డాయి. దీనివల్ల సైనిక ఉద్రిక్తతలు పెరిగే అవకాశం ఉందని, అలాగే ఆయుధ పోటీ మరింతగా పెచ్చరిల్లే ప్రమాదమై పొంచివుందని మంగళవారం హెచ్చరించాయి. మాస్కోతో ప్రచ్ఛన్నయుద్ధం నాటి ఆయుధ ఒప్పందాన్ని అమెరికా రద్దు చేసుకున్న నేపథ్యంలో రష్యా, చైనాలు ఈ హెచ్చరిక చేయడం గమనార్హం.

08/21/2019 - 01:58

రీగా, ఆగస్టు 20: బాల్టిక్ దేశాలతో మరింత సన్నిహిత సంబంధాలను పెంపొందించే చర్యలను భారత్ ముమ్మరం చేసింది. ఇందులో భాగంగా లాత్వియా అధ్యక్షుడు ఎగ్లిస్ లెవిటిస్‌తో భారత ఉప రాష్ట్రపతి వెంకయ్యనాయుడు మంగళవారం విస్తృత చర్చలు జరిపారు. ద్వైపాక్షిక సంబంధాలను మరింత పెంపొందించే విషయంలో ఈ సందర్భంగా ఇరు దేశాల మధ్య అవగాహన కుదిరింది. అనంతరం సంయుక్తంగా ఓ మీడియా ప్రకటనను విడుదల చేశారు.

08/21/2019 - 04:50

ఢాకా, ఆగస్టు 20: అస్సాంలో అక్రమ వలసలను గుర్తించడం కోసం చేపట్టిన జాతీయ పౌర జాబితా(ఎన్‌ఆర్‌సీ) భారత అంతర్గత వ్యవహారమని విదేశాంగ మంత్రి ఎస్ జైశంకర్ స్పష్టం చేశారు. ఈశాన్య రాష్ట్రాలకు బంగ్లాదేశ్ నుంచి భారీగా అక్రమ వలసలు సాగుతున్నాయని కేంద్రం ఇటీవలే వెల్లడించిన నేపథ్యంలో జైశంకర్ మంగళవారం ఈ వ్యాఖ్యలు చేయడం గమనార్హం. బంగ్లాదేశ్ విదేశాంగ మంత్రి ఏకే అబ్దుల్ మొమెన్‌తో ఆయన పలు అంశాలపై చర్చించారు.

08/20/2019 - 22:59

వాషింగ్టన్, ఆగస్టు 20: కాశ్మీర్‌పై భారత్‌తో మాట్లాడేటపుడు మాటతీరును మార్చుకోవాలని అమెరికా అధ్యక్షుడు డొనాల్డ్ ట్రంప్ పాకిస్తాన్ ప్రధాని ఇమ్రాన్ ఖాన్‌కు గట్టిగా విజ్ఞప్తి చేశారు. కాశ్మీర్‌లో పరిస్థితి ఆందోళనకరంగా ఉందన్న అభిప్రాయాన్ని వ్యక్తం చేసిన ఆయన ఇది మరింతగా దిగజారకుండా ఇరు దేశాలు సంయమనాన్ని పాటించాలని కోరారు.

08/20/2019 - 01:27

విల్నీయస్: లిథువేనియా-భారత్ మధ్య బలమైన సాంకేతిక భాగస్వామం ఉందని, తమకు నిజమైన మిత్ర దేశమని ఉప రాష్ట్రపతి ఎం వెంకయ్యనాయుడు స్పష్టం చేశారు. ఆగ్రో-్ఫడ్ రంగంలోనూ పరస్పరం సహకరించుకుంటున్నాయని సోమవారం ఇక్కడ తెలిపారు. లిథువేనియా, లాత్వియా, ఎస్టోనియాలో ఐదు రోజుల పర్యటన నిమిత్తం భారత ఉప రాష్ట్రపతి శనివారం ఇక్కడకు వచ్చారు. బాల్టిక్ దేశాల్లో భారత ఉన్నత స్థాయి బృందం పర్యటించడం ఇదే మొదటిసారి.

08/19/2019 - 23:29

కాబూల్, ఆగస్టు 19: ఇస్లామిక్ స్టేట్ ఉగ్రవాదాన్ని అణచివేసి, స్థావరాలను ధ్వంసం చేస్తామని ఆఫ్గనిస్తాన్ అధ్యక్షుడు అష్రాఫ్ ఘనీ ప్రతిజ్ఞ చేశారు. ఆఫ్గనిస్తాన్ 100వ స్వాతంత్య్ర దినోత్సవం సందర్భంగా సోమవారం జాతిని ఉద్దేశించి అధ్యక్షుడు ప్రసంగించారు. శనివారం రాత్రి దేశ రాజధాని కాబూల్ బాంబు పేలుళ్లతో కంపించిపోయింది. చిన్నారులతో కలిపి 63 మంది మరణించారు. కనీసం 200 మంది గాయపడ్డారు.

08/19/2019 - 23:04

వాషింగ్టన్, ఆగస్టు 19: పాకిస్తాన్‌కు అందిస్తున్న భద్రతా సాయంలో కోత వేసిన తర్వాత ఇరుదేశ సంబంధాలు ఇటీవలి కాలంలో మెరుగయ్యాయని అమెరికా అధ్యక్షుడు డొనాల్డ్ ట్రంప్ తెలిపారు. ఉగ్రవాదాన్ని అణచివేయడంలో సరైన చర్యలు తీసుకోని కారణంగా పాకిస్తాన్‌కు ఇస్తున్న భద్రతా సాయంలో 1.3 బిలియన్ డాలర్ల మేర కోత పెట్టామని ఆయన వివరించారు.

Pages