మీలో వేడి ఉంటే, భయం కూడా ఉంటుంది. అప్పుడు మీరు ఏదో ఒకటి చెయ్యక తప్పదు. అందుకే నియంత్రించుకోవడమనే విషప్రయోగంతో ఎవరినివారే చంపుకుంటారు.
‘‘ఎప్పటికీ హాయిగా జీవించకూడదు’’అనేది నియంత్రణలో ఉన్నవారికి తెలిసే ఏకైక జీవిత పరిష్కారం. కాబట్టి, బుద్ధవిగ్రహంలా ఉండండి. అప్పుడు మీరు క్రమశిక్షణ పొందిన సహనశీలిగా నటించగలరు.

ఏదైనా ఛలోక్తిని మీరు ఒక ఆంగ్లేయునికి చెప్పినప్పుడు అతను చాలా మర్యాదపూర్వకంగా చిరునవ్వు నవ్వుతాడు. వెంటనే ఆ ఛలోక్తిని మీరు అతనికి మళ్ళీ వివరిస్తారు. అప్పుడు కూడా అతను చాలా మర్యాదపూర్వకంగా చిరునవ్వు నవ్వుతాడు. అలా ఎప్పుడూ చాలా మర్యాదగా ప్రవర్తించేలా ఆంగ్లేయులందరికీ శిక్షణ ఇస్తారు. అర్థరాత్రి నిద్రాభంగమైనప్పుడు ఆ ఛలోక్తి అతనికి మళ్ళీ గుర్తుకొస్తుంది.

నేను అన్ని రకాల బాంధవ్యాలకు వ్యతిరేకిని. ఉదాహరణకు, ‘ఫ్రెండ్‌షిప్ (స్నేహబంధం)’అనే పదాన్ని నేను ఇష్టపడను. ఎందుకంటే, అది కూడా ‘‘రిలేషన్‌షిప్’’లాంటిదే. అంటే, ఒక రకమైన బాంధవ్యం లాంటిదే. అందుకే నేను ‘‘ఫ్రెండ్లీనెస్ (స్నేహభావన)’’ను ఇష్టపడతాను.

ఒంటె అనుకూలమైతే, సింహం ప్రతికూలమైనది. ఈ రెండింటి మధ్య వ్యత్యాసం చాలా పెద్దదే అయినప్పటికీ, అవి రెండూ ఒకే ప్రదేశంలో ఉంటాయి. పసిగుడ్డు ఒక ప్రదేశంలో స్థిరంగా ఉంటుంది. అదే ప్రదేశంలో గొంగళి పురుగు కదలడం ప్రారంభిస్తుంది. అంటే ఒకే ప్రదేశంలో కదలిక పుట్టినట్లే కదా!