సర్వ పురాణ శిరోమణి అయిన శ్రీమద్భాగవత సందేశాన్ని శ్రీ శుకదేవుడు పరీక్షిన్మమహారాజుకు అందిస్తూ , రాజుకు ఉత్తమగతులను కల్గించుటకు రాధాసహితుడైన శ్రీకృష్ణుని రాసక్రీడను వర్ణించి సర్వదేశశిరోమణియైన శ్రీకృష్ణుని దర్శింపచేశాడు. ఈ రాసక్రీడలో ప్రధాన నాయిక రాధాదేవి.

గుణాలన్నిటిలోకి త్యాగగుణం గొప్పది. మహిమాన్విత మైంది. త్యాగం చేయటానికి ఎంతో ధైర్యసాహసాలు, సేవాభావం, నిస్వార్థ మనస్తత్వం ఉండాలి. సర్వస్వం త్యాగంచేసిన మహనీయులు మనపురాణాల్లో ఎంతోమంది ఉన్నారు. మనకు తెలిసి ఈ కలియుగంలో కూడా ఎంతో మంది త్యాగధనులు ఉన్నారు. మన త్యాగజీవితాలను చూసిన విదేశీ వనితలు ప్రేరేపితులై వారు కూడా త్యాగభావనను అలవర్చుకుని మనభారతదేశానికి వచ్చిన వారున్నారు.

‘అమ్మా! వరలక్ష్మీదేవి! మాకు పుత్ర పౌత్రాభివృద్ధినీ, ఆరోగ్యంతో కూడిన ఆయుష్షును ప్రసాదించవలసింది’ అంటూ స్ర్తిలందరూ కోరుకునే తల్లి వరలక్ష్మీదేవి. ఈ తల్లినే స్వయంగా చారుమతికి శ్రావణపూర్ణిమకు ముందు వచ్చేశుక్రవారం నాడు తనను పూజించమని చెప్పిందనే వ్రతకథను ఆధారం చేసుకొని స్ర్తీలందరూ శుక్రవారం లక్ష్మినే వరలక్ష్మిగా పూజిస్తారు.

కడలిరాయడె కదలివచ్చెనో యనగ
గగనమ్మె భూమిపై కాలిడెనొ యనగ.

నీలాలె అచ్చోట పొరాడె ననగ
రాముండు విచ్చేసె నీలాలకొండ.

ఉత్తరీయము వ్రేలె మేఘమ్మువోలె
జన్నిదమ్మే కదలె జలధరవోలె.

అతడు కట్టిన పీత వస్తమ్మ్రుకదలె
పసిడి సంద్రమ్మొకటి కదలెనో యనగ.

కంఠాన మెరిసేను ధవళహారమ్ము
రిక్కలనె గుదిగూర్చి కట్టిరో యనగ.