ఆర్థిక కార్యకలాపాల్లో మహిళల పరిమిత పాత్ర, తక్కువ వేతనాల కారణంగా ప్రపంచ లింగ వ్యత్యాస సూచీలో భారత్ 108వ స్థానంలో నిలిచింది. మొత్తంమీద 108వ ర్యాంక్ సాధించిన భారత్ ఆర్థిక కార్యకలాపాలు, అవకాశాలు, ఆరోగ్యం విషయంలో మహిళల పాత్రకి సంబంధించి వరసగా 139, 141వ స్థానంలో నిలిచింది. ఇక పనిచేసే చోట లింగ వ్యత్యాసం, మహిళలకు వేతన చెల్లింపులో 136వ స్థానంలో ఉంది.

భారతదేశానికి స్వాతంత్య్రం వచ్చి డెబ్బయ్ ఏళ్లవుతుంది. గృహిణిగా, శ్రమజీవిగా, ఉద్యోగిగా, ప్రజాప్రతినిధిగా అన్ని రంగాల్లోనూ ప్రతిభావంతంగా పనిచేస్తున్నా ఆమెకు తగిన గుర్తింపు రావడంలేదు. ఇప్పటికీ సమాన పనికి సమాన వేతనం దక్కడంలేదు. ప్రజాప్రతినిధులుగా స్థానం సంపాదించినా భర్తల చేతిలో కీలుబొమ్మలుగానే వున్నారు. మహిళల సమానత్వం ప్రచార ఆర్భాటాలకే తప్ప ఆచరణలో కానరావడంలేదు.

21వ శతాబ్దంలోని ప్రస్తుత అధునాతన సాంకేతిక సమాజంలోని భారతీయ మహిళా భాగస్వామ్యం, సమానత సాధించే పోరాటాలలో శాంతియుత మానవీయ సంస్కరణల విలువలు ప్రసాదించే జీవన లక్ష్యాలను నిర్దేశించుకొంటోంది. సమానత్వ హక్కుల కోసం ఒకే అస్తిత్వ ఆధిక్య వాదానికి, శక్తి యుక్తుల ఐక్యతకు కట్టుబడే స్ర్తివాద పోరాటం, ప్రస్తుతం మహిళలు సాధిస్తున్న విద్యా ప్రగతిశీల ప్రగాఢ భావోత్తేజం కారణంగా కొత్త పుంతలు అనుసరిస్తోంది.

ఎవరిలోనైనా ఆలోచనలు ఉండడం సహజం. కాకపోతే ఆ ఆలోచనలకు రూపం ఇస్తే అందరూ శభాష్ అంటారు. మంచి ఆలోచనలకే సుమా. సాధికారత సాధించామనే మహిళలూ రోజుకు 24 గంటలున్నా 42 పనులు ఇంటా బయటా చేస్తున్నారు. ఇంకా ఏమి ఆలోచనలో ఏమో.. అనేవాళ్లూ ఉన్నారు. కాని అవసరమే అవకాశాన్ని కలిగిస్తుంది. ఆ అవకాశమే అన్నింటా గెలిచే శక్తి నిస్తుంది.