ఇల్లు, సమాజం నుంచి ఎంత ప్రోత్సాహం లభిస్తే అంత తొందరగా, దూకుడుగా మహిళలు అభివృద్ధి పథంలో దూసుకుపోతారు. విద్య అందించే విషయంలో వివక్ష ఉండకూడదు. ఆడపిల్లల్ని చదువు మధ్యలో ఆపేయకూడదు. పెళ్లి తరువాత చాలామంది చదు వు ఆపేస్తారు. అలాంటివి మానేయాలి. యువతుల అభిరుచికి తగ్గట్లు ప్రోత్సహించాలి. అప్పుడే వారిలో ఉత్సాహం ఉరకలు వేస్తుంది.

మహిళా సాధికారతకోసం ఆంధ్రప్రదేశ్‌తో కలిసి పనిచేసేందుకు ఐక్యరాజ్య సమితి (యు ఎన్) సిద్ధంగా ఉంది. ఈమేరకు ఒప్పం దం కూడా కుదిరింది. లింగవివక్ష లేకుండా చూడ టం, అందరికీ విద్య అందించడం, బాలికలు, మహిళలపై దాడుల నియంత్రణ, కనీస సదుపాయాల కల్పన వంటి ఐదు అంశాలపై కలసి పనిచేసేందుకు ఎమ్‌ఒయు కుదుర్చుకున్నాం. ఇలాంటి సదస్సులు మరెన్నో నిర్వహిస్తాం.
- ఆశ టొర్కిల్సన్, డిప్యూటి రిప్రజెంటేటివ్,

అవకాశం ఎవరూ ఇవ్వరు.. మనమే వెతుక్కోవాలి.. ముందుకు దూసుకువెళ్లాలి అంటూ మహిళా నేతలు పిలుపునిచ్చారు. విజయవాడ పవిత్ర సంగమం వద్ద తొలిసారిగా నిర్వహిస్తున్న జాతీయ మహిళా పార్లమెంటుకు పెద్దసంఖ్యలో మహిళలు హాజరయ్యారు. రాజకీయ, సినీ, పారిశ్రామిక, విద్యారంగాలకు చెందిన ప్రముఖులతోపాటు వేల సంఖ్యలో విద్యార్థినులు హాజరయ్యారు. వివిధ రంగాల్లో ఎదుగుతూ వచ్చిన మహిళలు తమ అనుభవాలను వివరిస్తే...

దేశంలో మహిళలపై జరుగుతున్న యాసిడ్ దాడులను నియంత్రించాల్సిన అవసరం ఉందని స్టాప్ యాసిడ్ ఎటాక్ మిషన్ ఉద్యమకారిణి లక్ష్మీ అగర్వాల్ పిలుపునిచ్చారు. యాసిడ్ దాడి చేసేవారికి చట్టం అంటే భయం లేకుండా ఉందన్నారు. తనపై 2005 సంవత్సరంలో దాడి జరిగిందని తెలిపారు. తనను పెళ్లి చేసుకోమని ఒక యువకుడు కోరాడని, తాను తిరస్కరించడంతోతనపై యాసిడ్ దాడికి దిగాడని తెలిపారు.