అడవి జంతువుల నుండి రక్షణకై
తయారుచేసుకొన్న ఆయుధం
తన ప్రాణాలనే కబళిస్తుంది

ఆకులను వస్త్రంగా చేసుకొని
నాగరికుడైన నరుడు
విచ్చలవిడి స్వేచ్ఛతో
అందాలను తూర్పారబడుతూ
అనాగరికుడవుతున్నడు

మనుగడ కోసం గుంపులుగా
ఏర్పడ్డ మానవుడు
ఆధిపత్యం, అధికారం వేటలో
కుల, మత, వర్గాలుగా విచ్ఛిన్నమవుతున్నడు

వౌనం..
బంగారమూ కాదు, గంభీరమూ కాదు
వౌనం..
ఘనమూ కాదు, సుగుణమూ కాదు
వౌనం... ఓ నిర్జీవ సంగీతం
ఓ నిర్బల సంకేతం
ఓ నిష్ఫల సందేశం

అన్యాయం ఎదురైనప్పుడు
నీతి అరుదైనప్పుడు
జాతి నిదరోయనప్పుడు
మూతి బిగించడం పాతకమే
మానవతపై ఘాతుకమే
గుండె పగిలినపుడు
గొంతు పెగలాల్సిందే
కడుపు రగిలినపుడు
మాట పిడుగై కురవాల్సిందే

పంచ భూతాల్ని ప్రపంచిస్తున్న ప్రకృతిని
అమానుషతత్త్వ వేది మీద పరాభవించేటప్పుడు
వైఖరి గుడ్డిది
లోకులు పదవులు వదలలేని పెదవులు కదపలేని
‘‘కృభీద్రో’’హులే
ఐనా ఒక గీతమేదో ఆగామి కర్తవ్యాన్ని తట్టింది
అప్పుడే ఆవహం - ఆ పై ఆహవం...

మనిషి చుట్టూ
కొన్ని కలలు ప్రవహిస్తాయి!

అలల గుండెచప్పుళ్ళతో
ఉప్పెనలా ఎగిసిపడుతూ
తుపాను రాత్రుళ్ళను వెంటేసుకుని
మనసు మీద
ప్రవహిస్తున్న దృశ్యం!

వేకువ పొద్దు
కళ్ళు తెరిచి చూసినంత మేర
కనీ కనిపించని
అడుగుల గుండెచప్పుళ్ళు!

వీధి గుమ్మంలో
ఏదో తెలియని
గమ్మతె్తైన సందడి!