S ,7 à 8 RSCA (si SASPAS) et 6 cialis pharmacie cialis rapports de stage.

Others

06/10/2018 - 21:58

దారి పొడవునా అడుగుతూ వున్నా
పక్షుల్నీ, బోధి వృక్షాల్నీ, నక్షత్రాల్నీ
సమాధానం లేదు
దొరికినవన్నీ చదువుతూ వున్నా
కావ్యఖండాల్నీ, ప్రబంధాల్నీ, ఉద్గ్రంథాల్నీ
సందేహం తీరలేదు
ధ్యానంలో, అధ్యయనంలో, ప్రయాణంలో
తెలియలేదు ప్రేమంటే...
రెప్పపాటులో తెలిసింది
నన్ను చూసిన మరుక్షణమే
విప్పారిన నీ కనుపాపలను చూసినంత

06/10/2018 - 21:56

చిందర వందరగా పుస్తకాలు
తెరచుకొని కొన్ని, మూసికొని కొన్ని
అక్కడక్కడ దొంతరలుగా
మరికొన్ని ఒంటరిగా
రకరకాల పుస్తకాలు
తిరగేస్తూ కొందరు, వల్లెవేస్తూ ఇంకొందరు
ఎందరో రకరకాల వ్యక్తులు
వస్తున్నారు పోతున్నారు
ఏవేవో సమాలోచనలు, సమావేశాలు
జరుగుతున్నాయ
నడుం వాలుస్తూ కొందరు
పచార్లు చేస్తూ ఇంకొందరు
గంటలు గంటలు చర్చలు
వాదోపవాదాలు

06/03/2018 - 22:53

పరిమళం అందించే పుష్పం
పరిమళాన్ని ఆస్వాదించునా
అన్నం వార్చే కడవ
ఆకలి ఎరుగనా
సవ్వడితో తాళం వేసే మువ్వ
నాట్యం నాదనునా
మంచు బిందువులను
సేకరించే గాలులు
చలికి వణికి చతికిలపడునా
ఉప్పొంగే సముద్రపు కెరటాలు
దరి దారిని కాజేయునా
ఎండల్లో నీడనిచ్చే వృక్షం
సూర్యుని తాపం నాకేలననునా
జీవం పోసి జన్మనిచ్చే తల్లి

06/03/2018 - 22:50

జీవితం అనుక్షణం చెలరేగే భావాలతో
సముద్రపు ఓడలా ప్రయాణిస్తుంది
దారి నిండా అలుపెరుగని పోరాటాలతో
ఆత్మ సిద్ధాంతాలపై సవారి చేస్తుంది

ప్రతిసారీ కోల్పోతున్న స్వప్నాల్ని
మళ్ళీ మళ్లీ పునరుజ్జీవింపచేయడానికి
ఉఛ్వాస నిశ్వాసాల మధ్య హృదయ
రేఖలపై జ్ఞాపకాల పొరలను
ఏర్పాటు చేసుకుంటుంది

06/03/2018 - 22:48

ఆకాశం ఆనందబాష్పాలను రాల్చినప్పుడల్లా
రైతన్న గుండె పరశించిపోతూనే ఉంటుంది
ఆకాశం నీరే రైతన్న పంటకు పన్నీరు

రైతన్న వాన మొగుల్లను చూసినప్పుడల్లా
అక్కరకు రాని చుట్టం వానచినుకే అవుతుంది
నిత్యగాయంలా వాన కోసం ఎదురుచూపు

ప్రకృతిలో వానకాలం చిగురించినప్పుడల్లా
రైతన్న గుండె తండ్లాడుతూనే ఉంటుంది
జీవితాంతం వాన కోసమే రైతన్న బతుకు

06/03/2018 - 22:46

జీవితమంతా నటించాడు
ఇప్పుడట్లా కాదు.

తెల్లని వెంట్రుకలు అబద్ధం కాదు
శరీరంపై ముడుతలు అబద్ధం కాదు
తడబడే అడుగులు అబద్ధం కాదు
అకస్మాత్తుగా ప్రత్యక్షమయ్యే
కన్నీటి తడి అబద్ధం కాదు
సంధ్యాకాలంలోని
రంగుల కలయకా
దాని క్షణక్షణాక్రీడా అబద్ధం కాదు

05/28/2018 - 01:01

మా పిల్లి - అబ్బో అది సాక్షాత్తు పులే
అదెప్పుడూ
ఒర వీరయోధుడు ఖడ్గాన్ని సానబట్టుకున్నట్టు
తన పంజాలను పదును పెట్టుకుంటూ వుంటుంది
చెట్టు తొర్ర దగ్గర తొండ కోసం చెవులు రిక్కించి
నిర్నిద్ర స్థితిలో మాటువేసినప్పటి దాని భంగిమ
నాసామిరంగ! పెద్దపులి తాతను తలపిస్తుంది

05/28/2018 - 00:59

నువ్వు...
అధికారాన్నిచ్చే అద్భుతానివి
ప్రజాస్వామ్యానికే
తొలి ఆరాధ్య దైవానివి

వాగ్దాన మ్యానిఫెస్టో
మరుగు మందు పూయబడ్డ
పార్టీ కల్పవృక్షానివి

అయదేళ్ళు
నిన్ను పాతాళానికి తొక్కేసినా
మళ్లీ ఎన్నికల్లో
కేవలం నాయక స్పర్శ తగిలితేనే
త్రివిక్రముడవై ఉబ్బితబ్బిబ్బైపోతావు

05/28/2018 - 00:54

1. మొన్న...
మబ్బుల ఊరి చివర చెరువులో కొమ్మల నీడలు
ఈతకొడుతుండేవి
వాములోంచి ఎగిరిన గడ్డిపోసలు
ఎద్దుకొమ్ముల్ని ముద్దాడేవి
పసుపురంగు పూసుకుని పడమర మెరిసిపోతుండేది
మిరప చేనును సీతాకోక
కంటి రెప్పలతో
కాపుకాస్తుండే
పందిరి మీద బీరతీగలు,
మల్లెమొగ్గల్ని ముద్దాడినట్టు
మనుషుల మధ్య ప్రేమలు పెనవేసుకునేవి
మట్టిమీద పడ్డ నాగలి గీతలు

05/21/2018 - 03:54

నీ పూజ కోసం పూజ పుస్తకం పట్టుకొని
పూజ చేద్దామనుకున్నాను ప్రభు
ఇంతలో
నిశ్శబ్దంలో ఓంకార నాదం గ్రహించమని, వచించమని
ప్రవచిస్తున్న ప్రవచనకారుల ఛానల్
ఛానల్‌ను చటుక్కుమని మార్చేసిన పిల్లవానికి
ప్రశ్నించు, ప్రశ్నించు, ప్రశ్నించడం నేర్చుకోమన్న
విప్లవ భావాల అభ్యుదయవాది పిలుపుతో
మరో ఛానల్
ఠపక్‌మని కోపంతో టీవీని ఆపుచేసిన చిన్నవాడు

Pages