S ,7 à 8 RSCA (si SASPAS) et 6 cialis pharmacie cialis rapports de stage.

వినమరుగైన

02/11/2019 - 22:47

కవుల కవితల్లో, ప్రయాణం వుంటుందని విమర్శకులందరూ అంగీకరిస్తారు. విలోమ కథల బీజంపై కవితలో స్పష్టంగా చూడొచ్చు. అదేవిధంగా విలోమ కథల్లో చీకటి వర్ణన చాలా అధిక శాతం కన్పిస్తుంది. అవి చీకటి రోజుల్ని సింబలైజ్ చేయటానికి చెప్పిన కథలు కనుక, రాజకీయ వాతావరణం ఆనాడు కన్పించిన అనేక పరిస్థితుల్ని నగ్నముని గ్రహణం కథలో వర్ణిస్తాడు.
‘‘సూర్యుడు చనిపోయాడో, బతికి వున్నాడో తెలీదు. అంతా గాఢాంధకారం’’’ అంటాడు.

02/08/2019 - 18:44

చరిత్ర సంస్కృతులపై అధ్యయనంపైనుంచి (ఎలైట్) కాక విలోమం (సబ్-ఆల్‌టెర్న్) నుంచి సాగుతోంది- ఇది వర్తమాన తెలుగు సాహిత్య ధోరణి.
ఈ ధోరణిలో దాదాపు రెండు దశాబ్దాలకు పూర్వం- కొత్త విలువల్లో, కొత్త విశ్వాసాల్తో, విశ్వవస్త్రం నేస్తానన్న నగ్నముని విలోమ కథలని ఆవిష్కరించారు.

02/07/2019 - 19:44

‘‘అంతా వొచ్చారా యింగా ఎవరన్నా పొదలమాటున వుండారా?’’ అన్నాడు బల్లకట్టు పాపయ్యగెడ మీన ఓరగా సూత్తా. ‘‘పొదల సోట్నేందయ్యావ్? సింత సచ్చినా పులుపు సావలేదంట. రుూ బల్లకట్టుపాపయ్యకు ఏళ్లు మిగులుతుందా సెతురు తగ్గటంలేదే? నవుతావు దేనికే నాగరత్తీ? మరి సూడమ్మారుూ పాపయ్యకు తెల్లారిందప్పుడే సెతురాడనూ’’ అంది ఎంకాయి పిన్నాం.

02/06/2019 - 20:22

షావుకారు భవనానికి రాళ్లెత్తినకూలీల కథ రాయి మడుసులు. కిష్ట ఒడ్డున నుండే నల్లరాయి కొండ తొలిచి భవంతి కట్టిన రాయి మడిసికి గృహప్రవేశం విందులో చోటుండదు. ఇంటికిపోయి తిండికి కూర్చుంటే బువ్వలోకి చల్లలేక దోపిడీ స్వరూపం చూపిస్తుంది.

02/05/2019 - 19:52

కష్టజీవుల పట్ల సానుభూతి ప్రకటించే అభ్యుదయ సాహిత్యం విరివిగా వస్తున్న కాలం అది. అందులో శ్రామిక వర్గ పక్షపాతం, స్పష్టంగా, స్థిరంగా కన్పించేది. అయితే అది స్థూలంగా ఒక అవుట్‌సైడర్ చూపించే సానుభూతే. మా గోఖలే ప్రత్యేకత ఏమిటంటే, అతను సమాజం అట్టడుగున సాటి రచయితలు తొంగిచూడని చీకటి బావుల్లోకి దిగి పూడిక తీశాడు.

02/04/2019 - 19:49

నువ్వు పల్లెటూళ్లో బీళ్లమ్మట, గట్లెమ్మటా గొడ్లు గాసుకునే బుడ్డోడివైతే, ఆరుదల చేలో కలుపుదీసే కూలీవైతే, దీపాల మాసరాత్రి మసి పువ్వొత్తి చేతబట్టి జుయ్‌మంటూ వీధులమ్మట పరిగెత్తే పిలగాడివైతే, తొలి కోడి కూయంగానే ఎడ్లబండి గట్టుకొని డొంక దారినబడి కుప్ప నూర్పిడికి బయలెల్లిన రైతువైతే, అన్నిటినీమించి నీవూరి నేలని గట్టిగా గుండెకి వాటేసుకోగలిగిన ప్రేమికుడివైతే మా గోఖలే కథలు చదివి పరవశించిపోతావు

02/03/2019 - 22:38

మనిషన్నవాడికి ప్రేమించడం చేతకావాలని, అలా చేతగాని దద్దమ్మలంటే ఆయనకంత అక్కసని తెలుస్తుంది.
శాస్ర్తీగారి కథల్లో సంభాషణలన్నీ చతుర సంభాషణలే! పదాల విరుపులు అతి రమ్యంగా ఉంటాయి. ఖుదావంద్ కథలో ఈ సంభాషణ విందాం!
‘శకుంతల ఉలిక్కిపడి తల ఎత్తింది. ఏమిటని ఆ చూపులు నన్ను ప్రశ్నించింది. నేను అర్థం కానట్టు చూసీ చూడనట్లు ఊరుకోగా’
‘‘ఏమిటది?’’ అని పలికింది.

02/01/2019 - 19:27

అలా నర్సయ్య ఆగడాలెక్కువై, యిల్లు విడిచిపోయి- జతకట్టి, పిల్లల్ని కని చివరకు యింటికి తిరిగొచ్చి చూస్తే ఏముంది? పాడుపడిన కొంప!.. అందుకని మునసబుగారింటి కెడితే- అరుగుపైన ఆయన పడుకొనింటాడు. అరుగు కింద ఆయన చెప్పులు పడి ఉంటాయి. ఆ చెప్పుల చర్మం తన తల్లిది! చూసిన కన్ను అలానే గడ్డ గట్టుకుపోయింది. ఈ కనుకలి కథలోని శిల్పం అత్యద్భుతం!

01/31/2019 - 19:42

తెలుగు సాహితీ జగత్తులో చిరస్థాయిగా, స్థిర స్థానాన్ని సుస్థిరపర్చుకొన్న కొద్దిమంది కథకుల్లో కీ.శే. మల్లాది రామకృష్ణశాస్ర్తీ గారిదే ప్రథమ తాంబూలం!
అలనాడు అల్లసాని వారు చెప్పుకొన్నట్లుగా, ‘‘నిరుపహతి స్థలంబు రమణిప్రియ దూతిక తెచ్చి యిచ్చు కప్పుర నిడె మాత్మ’’ లాంటి సరంజామా ఉంటేనే కాని-కథ వ్రాయనని భీష్మించుక్కూర్చోలేదు శాస్ర్తీగారు.

01/30/2019 - 19:01

ఆ చతురకతే ఒకో సందర్భంలో ఓడిపోవాల్సొచ్చినా ఆ ఓటమిలోనే గెలుపు వెతుక్కుంటూంటాడు భర్త వెంకట్రావు. మొండివాదన కథలో బందరు నుండి ఒంగోలుకు పోయే దోవలో గుంటూరు తగలకపోయినా ‘ఆ!తగలకేం లెండి. ఇష్టమైతే బాగానే తగులుతుంది’ అని సూటీ పోటీ బాణమేసి మొత్తానికి వాళ్ల వాళ్లకి ఆవకాయ బుట్ట పంపగలిగే చతుర నారీమణి కాంతం. కనె్నకాంతం ప్రౌఢ కాంతంగా మారేసరికి ఐదుగురు పిల్లలు.

Pages