కారణజన్ముడూ, కర్మయోగి ఐన మహాత్ముని పిలుపునందుకొని ఓబయ్య వంటి దేబయ్యలు కూడా జాతీయోద్యమంలో పాల్గొన్నారంటే ఇక నిజమైన దేశభక్తుల విషయం ప్రత్యేకంగా చెప్పనక్కరలేదు. గాంధీ ఉద్యమ ప్రభావం అంతటిది. ఆ మహోద్యమాన్ని ప్రథమతః అక్షరబద్ధం చేసిన జాతీయ కవి శివరామశాస్ర్తీగారు.

శతావధాని వేలూరి శివరామశాస్ర్తీగారి వంటి ఉద్దండ పండితులూ- బహు శాస్త్ర నిష్ణాతులు నవలా రచనకు పూనుకోవడం ఆ సాహిత్య ప్రక్రియకే గౌరవం తెచ్చిపెట్టిందని విమర్శకుల అభిప్రాయం! శివరామశాస్ర్తీగారి ఒక చేతితో స్వతంత్ర నవలలు సృష్టించారు. రెండో చేత్తో అనువాదాలు చేశారు.

ఈ నవలలో చిత్రకళను గూర్చిన ముచ్చటలు ‘‘శోభన మందిరము’’, ‘ఆంధ్ర నవకవి సమితి’ అన్న శీర్షికలలలో వివరంగా చెప్పారాయన. శోభన మందిరంలో సయితం నందలాలు, ప్రమోదుకుమారు, అవనీంద్ర, దేవీప్రసాదరాయ, దామెర్ల వంటి ప్రముఖ చిత్రకారుల చిత్రాలతో అలంకరించారు.

నవాన్ విశేషాన్ లాతిగృహా తీతి నవల
ఈ ప్రక్రియలో ఎందరో రసజ్ఞులు తమ రచనా క్షేత్రంలో నవ వంగడాలు పండించి రాసులు పోశారు. మన జాతీయ పునరుజ్జీవనం కోసం బహు మార్గాలలో పునాదులు వేసుకునే రోజుల్లో బాపిరాజుగారి లేఖిని నుండి రుూ నారాయణరావు నవల ఆవిర్భవించింది. ఈ నవల నిజానికి సాంఘికమే అయినా ఇది గొప్ప చారిత్రక నవల అనుకోవడంలో న్యాయముందేమో!