783. యమునితో పోరుసల్పి యాశ్చర్య పరచి
లోకమున బలదర్పులౌ రాజసంఘ
ముల జయించి ప్రజలను సంతోష పరచి
నట్టి మీకు రాముడొక లెక్కయె సురారి

784. జూడగ మన యువరాజు ఇంద్ర జిత్తు
వొక్కడే జాలు శత్రుమర్దనము జేయ
శివుని తపమున మెప్పించి వరములంది
ఇంద్రు బంధించి కొనివచ్చె లంక కతడు

748. తమరి యాజ్ఞతో ప్రారంభవౌను యాత్ర!’’
యని హనుమ బల్కగ నిరుపమాన దివ్య
తేజవంతుడు శౌర్య పరాక్రముండు
రామభద్రుడు సఖుడు సుగ్రీవు జూచి

యుద్ధకాండము

749. ‘‘మిత్రమా! వానరేశ్వర! మింటి మధ్య
మునకు జేరెను మా వంశకర్త సూర్యు
డానతీయము సేనకు జయ ముహూర్త
మిదియె నదరెనా దక్షిణ నేత్ర మనఘ!’’

716. పవన నందను డంజలి బద్దడౌచు
రామచంద్రుని ముందర నిల్చి దేవ!
కంటి మాతను సీతను లంకలో
వికృత రాక్షస వనితల వలయమందు

717. రామచంద్రుని చూపులు పవన సుతుని
ముంచె నానంద సాగరమందు లవణ
సాగరము దాటె గోష్పాదముగను గాని
రాము నానంద వీక్షణ లభ్యమైన
సమ్మదాబ్దిని గడవగ జాలడయ్యె

684. అనుచు దెల్పి హనుమ మనసార రాముని
దలచుకొని యరిష్ట పర్వతమును
ఎక్కి మేనుపెంచి కుప్పించి యెగయగ
పర్వతమ్ము క్రుంగె పుడమిలోకి

685. ఆకసంబున నెగిరెడు రెక్కలుగల
పర్వతమువలె హనుమంతుడరుగ దొడగ
మార్గ మధ్యములోన మైనాక గిరిని
బలుకరించి, గాంచె మహేంద్ర పర్వతమును