S ,7 à 8 RSCA (si SASPAS) et 6 cialis pharmacie cialis rapports de stage.

శ్రీకృష్ణ లీలారింఛోళి

10/11/2019 - 19:56

తే.గీ. ఉన్నవారికిఁ జుట్టంబులున్నవారె
లేనివారికి ఁ జుట్టాలు లేనివారె
కలిమిలేములు గలియుచు వెలుగునటులఁ
జూడుమో కర్మసాక్షి! యో సూర్యదేవ!

10/10/2019 - 19:44

తే.గీ. ఏల పంతాలు పట్టింపులేల పగలు
సెగలు రగిలింతురేలకో శీఘ్రకోప
తాపములు వీడరేలకో దరికిఁ జేరు
నివియు వీడిన సౌఖ్యాలు నివ్వటల్లు
చూడుమో కర్మసాక్షి! యో సూర్యదేవ

10/09/2019 - 19:08

తే.గీ. తీపి మాటలు కరువాయె దేహులందుఁ
కష్టములఁ బడువారిని ఁ గాంచి కంటఁ
దడియుఁ మెట్టరె యోదార్పఁ దరలిరారు
చూడుమో కర్మసాక్షి! యో సూర్యదేవ!

10/07/2019 - 19:57

తే.గీ. నాల్గుగోడల మధ్యన నలిగిపోవ
నేల బావిలో ఁ గప్పగనేల యుండి
పోదురే సమాజమువైపుఁ బోవరేల?
చూడుమో కర్మసాక్షి! యో సూర్యదేవ!

10/04/2019 - 18:51

తే.గీ. కాదు కంటికిఁ గన్పట్టఁ గండ్లగాన
రావు గర్వోన్నతం బొందరే విచిత్ర
మట్టి కాసులు గాటికి ఁ గదలిరావు
చూడుమో కర్మసాక్షి!యో సూర్యదేవ!

10/03/2019 - 19:07

తే. గీ. పట్టమన్నది ప్రతిభకుఁ గట్టఁబోరు
మంచివానికి స్థానమ్ము నుంచఁబోరు
కలిమిఁగలవాడె ఘనుడు లోకంపుతీరుఁ
జూడుమో కర్మసాక్షి! యో సూర్యదేవ!

10/01/2019 - 20:06

సీ. సత్యాగ్రహాలతో శాంతి చిహ్నాలతో
నేతృత్వముం బూని నిలచినాడు
తన చేతి కఱ్ఱతో ఁ దరిమికొట్టెను గదా
తెల్లవారిని వారి దేశమునకు
బానిసత్వమునందు బహువిధంబుల వేగు
భారతీయుల కాత్మబలమతండు
ఒక చెంపపె ఁ గొట్ట నొక చెంపయే గాక
మరు చెంపపై ఁ గొట్టు మనునతండు
చీకటుల్ ఛేదింప ఁ జేత గీతను లట్టి
శిరమెత్తి నిలిచిన శిఖర మతడు

09/30/2019 - 19:44

తే.గీ. బ్రతుకుటకు బాటలెన్ని యో పరచుకొనియె
వాటిఁ బట్టిచుఁ బోవంగ ఁ బాటికాదు
పరుల బాగుకు నొకబాటఁ బట్టునటులఁ
జూడుమో కర్మసాక్షి! యో సూర్యదేవ!

09/27/2019 - 20:44

తే.గీ. తెలియుం జేయుపాపాలు దెలియుఁజెప్పు
నప్పుడేడ్చిన ఫలమేమి? నరకమేల?
యిహపరంబుల స్వర్గంబునేల వలయుఁ
జూడుమో కర్మసాక్షి! యో సూర్యదేవ!

09/26/2019 - 19:18

తే.గీ. కొలది దానంబుఁ జేసినఁ గొలదిగాక
ఫలము గొండంత లభియించుఁ దలుపఁబోరు
మూటఁ గట్టుకు నెచటకు మోసుకెళుదు
రది యసాధ్యంబు మిగులదే ఱాయి కడకుఁ
జూడుమో కర్మసాక్షి! యో సూర్యదేవ!

Pages