S ,7 à 8 RSCA (si SASPAS) et 6 cialis pharmacie cialis rapports de stage.
శ్రీకృష్ణ లీలారింఛోళి
తే.గీ. కష్టపడువాని నెవ్వారు గాంచఁబోరు
మిగుల నటియించు వారికే మేలు గల్గు
ఎందుఁ జూచిన ఁ గన్పట్టు నిది నిజమ్ము
చూడుమో కర్మసాక్షి! యో సూర్యదేవ!
తే.గీ. వింత రోగాలు మందులు వేనవేలు
వైద్యశాలల రోగుల బారులకట !
భాగ్యహీనులు క్షేమంబుఁ బడయు నటులఁ
జూడుమో కర్మసాక్షి! యో సూర్యదేవ!
తే.గీ. వివిధ సందర్భములలోన విజ్ఞులకట!
దీపముల నార్పివేతురే! దిక్కుమాలి
నట్టి పాశ్చాత్య సంస్కృతి ననుకరించు
చుండె ఁ గేకుల కోతలెచ్చోట ఁగనగఁ
జూడుమో కర్మసాక్షి ! యో సూర్యదేవ!
తే.గీ. తల్లి గోదారి కవనంపు ధారఁ గురిపి
దాహముందీర్ప నెంచెనా తల్లికంతఁ
జేతులెత్తియు మ్రొక్కెద శిరము వంచి
చూడుమో కర్మసాక్షి! యో సూర్యదేవ!
తే.గీ. చదివితిని సమాజము నంతఁ జక్కగాను
లోపములు సవరింప నాలోచనొకటి
మదిన మెదలంగ శతకమై యెదలు దట్టెఁ
జూడుమో కర్మసాక్షి! యో సూర్యదేవ!
తే.గీ. ప్రేగుఁ ద్రెంచుకు పుట్టిరి పిల్లలపుడు
కడుపుఁజించుకునీనాడు కడు విచిత్ర
రీ ఁ బుట్టుచునున్న తీరేమి వింత?
చూడుమో కర్మసాక్షి! యో సూర్యదేవ!
తే.గీ. గంగలో మున్గి తమవంటి కంటినట్టి
మురికి ఁ దొలగించుకుందురే! మూఢమతులు
మనసుకంటిన మలినాల మలుపుకొనరె?
చూడుమో కర్మసాక్షి! యో సూర్యదేవ!
తే.గీ. క్రమము దప్పియు జీవిత కాలమందు
తెగిన గాలిపటము వోలెఁ దిరుగ నేల?
ప్రతినిమేషము నుపయోగ పరచు కొనరె
చూడుమో కర్మసాక్షి! యో సూర్యదేవ!
తే.గీ. కాని కూడని పనులతో ఁగాలయాప
నంబుఁ జేసెడి వారు లోకంబునందుఁ
బెచ్చు పెరుగుచునున్నారు వేయి కనులఁ
జూడుమా కర్మసాక్షి! యో సూర్యదేవ!
తే.గీ. వ్యసనముల బారిఁబడిపోయి పతనమగుచుఁ
దన గృహంబును ఁ బట్టించుకొనక దిరిగి
తిరిగి చెడిపోవ ఫలమేమి? యెఱుగరేలః
చూడుమో కర్మసాక్షి! యో సూర్యదేవ!