చదవడమే మరిచిపోతున్న జనాలలో పుస్తక ప్రియత్వం క్షీణించిపోతోందన్న దశలో మహారాష్టల్రోని సతారా జిల్లాలోని చిన్ని గ్రామం భిల్లార్- మన దేశంలోనే మొట్టమొదటి ‘పుస్తక నిలయం’ అయిపోయింది- బుక్ విలేజ్ జనాభా పదివేలయితే ఇప్పుడక్కడ పదివేల పుస్తకాల లైబ్రరీ దర్శనమిస్తోంది. ఈ ‘పుస్తకమ్చే గావ్’కి వెళ్ళే దారిపొడుగునా గోడలమీద పిడకలు సినిమా పోస్టర్లు కానరావు- పుస్తకాల నుంచి సూక్తులు, సామెతలు స్వాగతం పలుకుతాయి.

మండు టెండలనుండి సేదతీర్చే మల్లెల్ని మించిన మనోహర పరిమళం మరెక్కడా ఉండదు. వీటిలో సుగంధం ఎక్కువ. మల్లెల గుబాళింపు ఆహ్లాదంగా, గుండెల నిండా సంతోషాన్ని నింపి ఆనందాల్లో ముంచెత్తుతుంది. వేసవి కాలం వచ్చిందంటే చాలు మనసంతా మల్లెల పరిమళాలు గుబాళిస్తాయి. విచ్చుకున్న మల్లెలు ఇంటిని సుగంధాలతో నింపేస్తుంటాయి. ఆహ్లాదపరిచే మల్లెల సోయగాలు మనసును అల్లరిస్తాయి. మగువలు మెచ్చిన మల్లెలు మదిని మురిపిస్తాయి.

పాకిస్తాన్ పంజాబ్ రాష్ట్రంలో స్కూలు పిల్లలు కనీసం స్కూళ్ళల్లో వున్నప్పుడైనా చెత్త తిండి- కోక్‌లాంటి కూల్‌డ్రింకులు త్రాగి ఆరోగ్యం పాడుచేసుకోకూడదు అని పౌష్టికాహార సంఘం తీర్మానించింది. రేపటి యువత స్కూలు పిల్లలే కనుక వీళ్లకి పాలు, పండ్ల రసాలు లాంటివి ఇవ్వాలని- బర్గర్లు, ఫ్రాన్కీలు, నిల్వ తిండ్లు కాకుండా తాజా తిండి, పండ్ల రసాలు స్కూలు క్యాంటీన్లు సప్లై చెయ్యాలని ఆర్డర్లు జారీ కాబోతున్నాయి.

మధ్యప్రదేశ్ పంచాయతీ రాజ్ గ్రామీణాభివృద్ధి మంత్రి గోపాల్ భార్గవా సామూహిక కళ్యాణాలు చేయిస్తూ వుంటారు- మొన్న అక్షయ తదియ పుణ్య తిథినాడు వారి స్వగ్రామమయిన సాగర్ జిల్లా గ్రహకోటలో ఏడు వందల మంది పేద కనె్నపిల్లలకి సామూహిక వివాహం చేయించారు- పెళ్లి కూతుళ్లందరికి ఆయన తలో చిన్న సైజు చెక్క క్రికెట్ బ్యాట్లు ప్రత్యేక కానుకగా ఇచ్చారు. దీన్ని ‘మొగ్రీ’ అని మధ్యప్రదేశ్ స్ర్తిలు పిలుస్తారు.