డ్రాకులా మెడలు కొరకడం, సడెన్‌గా స్మశానంలో నేలమీదనుంచి చేతులు మొదలవడం వంటివి. నిజంగా ఒక దెయ్యం మనిషిని చంపాలనుకుంటే మెడ పట్టుకుని పైకెత్తడాలూ, విసిరి గోడకేసి కొట్టడాలు ఏమీ అక్కర్లేదు. దెయ్యం కనపడగానే మనిషి భయంతో గుండె ఆగి చచ్చిపోతాడు. తెలుగు సినిమాల్లో డైలాగు లాగా దెయ్యం ఒక మనిషిని చంపాలనుకుంటే ‘కత్తులతో కదా- కంటిచూపుతో’ చంపెయ్యగలదు!

‘‘ఓకే, ఒక పని చేద్దాం. మనం పైకి వెళ్దాం పద. వెళ్లి షాపర్స్ స్టాప్ షోరూమ్‌లో చూద్దాం. తెల్ల చుడీదార్లో ఎవరైనా అమ్మాయి ఉందేమో వెదుకుదాం. అలాంటి అమ్మాయి అక్కడ కనిపిస్తే నీ అనుమానం తీరిపోతుంది కదా?’’ అన్నాము మేము.
‘‘షాపర్స్ స్టాప్‌కా? నేను రాను’’ భయపడుతున్నట్టుగా అన్నాడు భరణి.
మేమంతా నవ్వాము. ‘‘్భరణీ నువ్వింత పిరికివాడివనుకోలేదు’’ అన్నాము.

‘‘నిజం తెలుసుకోవడం అన్నది ప్రతిసారీ నేరస్థులని శిక్షించడానికే కానక్కర్లేదు సూర్యా. ఒక నిజం తెలుసుకోవడం, సమాజానికి తెలియచెప్పడం వెనుక పరమార్థం నేరస్థులకి శిక్ష వేయడం మాత్రమే కాదు. అపరాధం- అంటే తప్పు ఎక్కడ జరిగిందో తెలుసుకుని, ముందు ముందు అలాంటి పరిస్థితులే ఎదురైతే, అలాంటి తప్పు పునరావృతం అయి, మళ్లీ ఇలాంటి దారుణాలు జరుగకుండా కాపాడడం. నా దృష్టిలో అపరాధ పరిశోధన అంటే నేరస్థులని కనిపెట్టడం కాదు.

ఇంక ప్రేమంటావా.. ప్రేమంటే ఏమిటో నాకు తెలియదు.! అతనిమీద నాకున్న ఇష్టాన్ని ప్రేమనుకోవడమే నేను చేసిన పొరపాటేమో...’’
లక్ష్మి మాట్లాడలేదు. ఇతరుల వ్యక్తిగత విషయాలలో జోక్యం కలుగచేసుకుని తనకి తోచిందేదో మాట్లాడేసి తర్వాత వారి భావాలు తెలిసాక నాలుక కరచుకోవడం కన్నా వౌనంగా వుండడం మంచిదని ఆమె అభిప్రాయం. అయితే, ప్రస్తుతం అదికాదు ఆమె ఆలోచిస్తున్నది.