S ,7 à 8 RSCA (si SASPAS) et 6 cialis pharmacie cialis rapports de stage.

నేర్చుకుందాం

11/12/2018 - 18:15

ఉ. నీ సతి పెక్కు కల్ములిడ నేర్పరి, లోకమకల్మషంబుగా
నీ సుత సేయు పావనము నిర్మితి కార్యధురీణదక్షుఁడై
నీ సుతుఁడిచ్చు వాయువులు నిన్ను భజించిన కల్గకుండునే
దాసుల కీప్సితార్థములు దాశరథీ కరుణాపయోనిధీ!

11/09/2018 - 19:05

ఉ.
నీ మహనీయ తత్త్వ రస నిర్ణయ బోధ కథామృతాబ్ధిలో
దానును గ్రుంకులాడక వృథా తనుకష్టముఁ జెంది మానవుం
డీ మహిలోకతీర్థముల నెల్ల మునింగిన దుర్వికారహృ
త్తామస సంకముల్ విడునె ? దాశరథీ కరుణాపయోనిధీ

11/08/2018 - 20:27

ఉ. భానుఁడు తూర్పునందుఁ గనుపట్టిన ఁ బావకచంద్ర తేజముల్
హీనతఁజెందినట్లు జగదేక విరాజితమైన నీ పద
ధ్యానము సేయుచున్నఁ బరదైవ మరీ చులడంగ కుండునే
దానవ గర్వ నిర్దళన దాశరథీ కరుణాపయోనిధీ!

11/06/2018 - 19:48

చ. చిరతర భక్తి నొక్క తులసీ దళ మర్పణ సేయువాఁడు ఖే
చరగరుడోరప్రముఖ సంఘములో వెలుఁగన్ సదా భవత్
స్ఫుర దర వింద పాదములఁ బూజ లొనర్చినవారికెల్లఁ ద
త్పరమ రచేత ధాత్రి గద దాశరథీ కరుణాపయోనిధీ!

11/05/2018 - 19:21

చ. వనకరి చిక్కె మైనసకు , వాచనికిం జెడిప ఓయె మీను, తా
వినికికిఁ జిక్కెఁ జిల్వ కనువేదరుఁ జెందెను లేళ్లు , తావిలో
మనికి నశించెఁదేటి తరమా యిరుమూటిని గెల్వ నైదుపా
దనముల నీవె కావఁదగు దాశరథీ కరుణాపయోనిధీ!

11/04/2018 - 22:14

చ. హరిపదభక్తి నింద్రియజయాన్వితుఁడుత్తముఁ డింద్రియమ్ములన్
మరుగక నిల్పనూదినను మధ్యముఁ డింద్రియ పారవశ్యుఁడై
పరగినచో నికృష్ణుఁడని పల్కఁగ, దుర్మతి నైన నన్ను నా
దరమున నెట్లు కాచెదవొ? దాశరథీ కరుణాపయోనిధీ!

11/02/2018 - 20:13

చ. దురితల తానుసారి భవ దుఃఖదంబము రామనామభీ
కరతర హేతిచేఁ దీగి పకాపకలై చనకుండ నేర్చునే
దరికొని మండుచుండు శిఖి దార్కొనినన్ శలభాదికీటకో
త్కరము విలీనమై చనదె ? దాశరథీ కరుణాపయోనిధీ!

11/01/2018 - 19:23

చ. ముదమున కాటపట్టు, భవమోహమదద్విరదాంకుశంబు సం
పదలకొటారు, కోరికల పంట, వరంబున కాది, వైరుల
న్నదన జయించు త్రోవ , విపబ్దికి నావ గదా సదా భవ
త్పదమల నామ సంస్కరణ దాశరథీ కరుణాపయోనిధీ!

10/31/2018 - 19:16

చ. మనమున నూహపోహణలు నుర్వక మునె్న, కఫాది రోగముల్
దనువున నంటి మేనిబిగి దప్పక మునె్న, నరుండు మోక్ష సా
ధన మొనరింపఁ గావలయుఁ దత్త్వవిచారము మాని యుండుటల్
తనువునకున్ విరోధమది దాశరథీ కరుణాపయోనిధీ!

10/30/2018 - 19:24

ఉ. సంకరదుర్గమై దురిత సంకులమైన జగంబుఁ జూచి స
ర్వం కషలీల నుత్తమ తురంగము నెక్కి కరాసి ఁబూని నీ
రాంక విలాస మొప్ప ఁ కలిగాకృతి సజ్జన కోటికిన్ నిరా
తంక మొనర్చి తీవె కద! దాశరథీ కరుణాపయోనిధీ!

Pages