హైదరాబాద్ : ఆంధ్రప్రదేశ్ దేవాదాయ ధర్మాదాయ కమిషనరేట్‌కు విజయవాడలో కొత్త భవనాన్ని నిర్మించేందుకు సంబంధించిన ప్రతిపాదనలకు ప్రభుత్వం ఆమోదం తెలిపింది. ఈ మేరకు దేవాదాయ కమిషనర్ పంపించిన లేఖపై అధ్యయనం చేసిన ప్రభుత్వం బుధవారం ఉత్తర్వులు (జీఓ ఎంఎస్ నెంబర్ 103) జారీ చేసింది. కృష్ణా జిల్లా విజయవాడ రూరల్ మండలంలోని గొల్లపూడిలో ఉన్న వేణుగోపాల స్వామి ఆలయానికి చెందిన 6.06 ఎకరాల భూమిని ఇందుకోసం కేటాయించారు.