తాడేపల్లిగూడెం, మే 1: మట్టి మాఫియాను అడ్డుకోకపోతే అధికారులపై చర్యలు తీసుకుంటామని దేవాదాయ శాఖ మంత్రి పైడికొండల మాణిక్యాలరావు హెచ్చరించారు. సోమవారం క్యాంపు కార్యాలయంలో విలేఖర్ల సమావేశంలో ఆయన మాట్లాడారు. ప్రజాప్రతినిధులకు సంబంధం లేకపోయినా మట్టి మాఫియాతో ఘర్షణలు నెలకొనడంపై సిఎం దృష్టికి తీసుకెళ్లామన్నారు. గ్రామాల్లో చెరువులు 20 నుంచి 25 అడుగుల లోతుకు తవ్వడంతో ప్రమాదాలు జరుగుతున్నాయన్నారు.

సారవకోట, మే 1: గడచిన ఐదేళ్ల కంటే ప్రస్తుత వేసవిలో ఎండ వేడిమి అధికంగా ఉండటంవలన ప్రజలు అల్లాడిపోతున్నారు. ఉదయం 10గంటల నుండి సాయంత్రం 5గంటల వరకు ఇండ్ల నుండి బయటకు రావడానికి ప్రజలు భయపడుతున్నారు. అత్యవసర పరిస్థితులు అనివార్య కారణాల ఉంటే తప్ప ప్రయాణాలు చేయడానికి ప్రజలు సాహసించడం లేదు. నిరంతరం జనసందోహంతో కళకళలాడే వీధులు నిర్మానుష్యంగా కనిపిస్తున్నాయి.

ఎచ్చెర్ల, మే 1: ప్రభుత్వం ఏర్పడి మూడేళ్లు కావస్తున్నా హామీలను అమలు చేయడంలో ముఖ్యమంత్రి చంద్రబాబునాయుడు పూర్తిగా వైఫల్యం చెందారని వైకాపా నియోజకవర్గ సమన్వయకర్త గొర్లె కిరణ్‌కుమార్ విమర్శించారు. రాష్ట్ర పార్టీ ఆదేశాల మేరకు ప్రతి సోమవారం ,గురువారం బూత్‌కమిటీల సమావేశాలు నిర్వహించడంలో భాగంగా మండలంలోని తమ్మినాయుడుపేట, పూడివలస కమిటీలతో సమావేశం నిర్వహించారు.

విజయనగరం, మే 1: సమాజంలో అందరు విద్యావంతులు కావాలని విద్యాలయాలను స్థాపించిన ఘనత పివిజిదేనని కేంద్రమంత్రి అశోక్‌గజపతిరాజు అన్నారు. సోమవారం విజయనగరం మహారాజు పూసపాటి విజయరామ గజపతిరాజు (పివిజి) 94వ జయంతి వేడుకలను కోటలో ఘనంగా నిర్వహించారు. అనంతరం కేరీర్ గైడెన్స్ కేంద్రాన్ని ప్రారంభించారు. ఈ కార్యక్రమానికి ముఖ్య అతిధిగా ఎయు వైస్ ఛాన్సలర్ జి.నాగేశ్వరరావు పాల్గొన్నారు.