న్యూఢిల్లీ/చెన్నై, జనవరి 19:జల్లికట్టుపై తమిళనాడు అట్టుడుకుతోంది. తమ ప్రాచీన సాంప్రదాయ క్రీడ అయిన జల్లికట్టుపై నిషేధం ఎత్తివేయాలంటూ చేపట్టిన దీక్షలు మూడోరోజు గురువారమూ కొనసాగాయి. తమిళ సంఘాలు శుక్రవారం రాష్టబ్రంద్‌కు పిలుపునిచ్చాయి. బంద్‌కు డిఎంకె సహా పలు రాజకీయ పార్టీలు మద్దతు ప్రకటించాయి. కాగా జల్లికట్టుకు మద్దతుగా తమిళ సినీ పరిశ్రమ గురువారం బంద్ పాటించింది. షూటింగ్‌లు పూర్తిగా నిలిచిపోయాయి.

వాషింగ్టన్, జనవరి 19: ‘మోదీజీ మీ సహకారానికి కృతజ్ఞతలు. మీ స్నేహంతో భారత అమెరికాల మధ్య అనుబంధం గతంలో కంటే మరింత బలపడింది. రక్షణ, పౌర అణు ఇంధన రంగాల్లో రెండు దేశాల మధ్య సహకారం పాదుకొల్పటంలో మనం విజయం సాధించాం’’ అని అమెరికా అధ్యక్షుడు బరాక్ ఒబామా అన్నారు. మరి కొద్ది గంటల్లో పదవీకాలం ముగియనున్న నేపథ్యంలో ఒబామా ప్రధానమంత్రి నరేంద్రమోదీకి గురువారం ఫోన్ చేసి మాట్లాడారు.

శంషాబాద్, జనవరి 19: శంషాబాద్ ఎయిర్‌పోర్టులో ప్రయాణికిడి వద్ద బంగారం స్వాధీనం చేసుకున్న సంఘటన గురువారం జరిగింది. కస్టమ్స్ అధికారులు తెలిపిన వివరాల ప్రకారం మస్కట్ నుంచి హైదరాబాద్‌కు వచ్చిన ప్రయాణికుడు 467 గ్రాముల బంగారాన్ని తీసుకువచ్చిన్నట్లు గుర్తించి కస్టమ్స్ అధికారుల తనిఖీల్లో స్వాధీనం చేసుకొని అతన్ని విచారణ నిమిత్తం నగరంలోని కస్టమ్స్ కార్యాలయానికి తరలించిన్నట్లు తెలిపారు.

హైదరాబాద్, జనవరి 19: దేశంలోని 500 పై చిలుకు నగరాల్లో కొనసాగుతున్న స్వచ్ఛ సర్వేక్షణ్ సర్వే నగరంలో చేపట్టేందుకు సమయం దగ్గరపడుతోంది. గత సంవత్సరం నిర్వహించిన ఈ సర్వేలో నగరానికి 19వ స్థానం దక్కటంతో ఈ సారైనా మెరుగైన ర్యాంకును దక్కించుకునేందుకు అధికారులు అన్ని ప్రయత్నాలు చేస్తున్నారు.