హైదరాబాద్, డిసెంబర్ 3: ప్రభుత్వ కార్యాలయాల్లో అవినీతికి పాల్పడే అధికారుల సమాచారాన్ని ఏసిబి అధికారులకు అందించి అవినీతిని అంతమొందించాలని జిల్లా కలెక్టర్ రాహుల్ బొజ్జా పిలుపునిచ్చారు. అవినీతితో సమాజానికి ఎంతో నష్టం జరుగుతుందని, ప్రధానంగా పేద వర్గాల సంక్షేమానికై ప్రభుత్వం చేపట్టే పలు కార్యక్రమాలు అర్హులకు అందకుండా పోతున్నాయని ఆయన విచారం వ్యక్తం చేశారు.

హైదరాబాద్, డిసెంబర్ 3: మహానగర పాలక సంస్థ పౌరసేవల నిర్వహణ, నగరాభివృద్ధిలో ప్రజల భాగస్వామ్యాన్ని పెంపొందించేందుకు ఎట్టకేలకు వార్డు కమిటీలకు జిహెచ్‌ఎంసి పాలక వర్గం శనివారం ఎన్నిక నిర్వహించింది. ఉదయం పది గంటలకు ప్రత్యేకంగా సమావేశం కావల్సిన కౌన్సిల్ మూడు గంటలు ఆలస్యంగా ప్రారంభమైనా, ఎట్టకేలకు వార్డు కమిటీ నియామకం కోసం వచ్చిన నామినేషన్లలో అర్హత కలిగిన వాటిని నామినేటెడ్ ప్రాతిపదికన ఆమోదించింది.

మోత్కూరు, డిసెంబర్ 3 : తెలంగాణ మలిదశ ఉద్యమంలో తొలి అమరుడు కాసోజు శ్రీకాంత్‌చారి తెలంగాణ రాష్ట్ర సాధనకు చేసిన త్యాగం చిరస్మరణీయమని, చరిత్రలో నిలిచిపోతుందని తెలంగాణ రాష్ట్ర హోంశాఖ, కార్మిక శాఖామంత్రి నాయిని నర్సింహారెడ్డి అన్నారు. శనివారం నల్లగొండ జిల్లాలోని శ్రీకాంత్‌చారి స్వగ్రామం పొడిచేడు గ్రామంలో శ్రీకాంత్‌చారి 7వ వర్ధంతిని ఘనంగా నిర్వహించారు.

హైదరాబాద్, డిసెంబర్ 3: ‘ఎన్నో వ్యయ ప్రయాసలకోర్చి..తెలంగాణను సాధించాం..మన తెలంగాణను మనమే పాలిస్తాం..మనమే ప్రజాస్వామిక తెలంగాణను సాధిస్తాం’ అని తెలంగాణ రాజకీయ జెఎసి చైర్మన్ ప్రొఫెసర్ ఎం.కోదండరాం స్పష్టం చేశారు. సెర్చ్ వారెంట్ లేకుండా ప్రజాగాయని విమలక్క అరుణోదయ సాంస్కృతిక మండలి కార్యాలయంలో సోదాలు నిర్వహించటమే కాకుండా సాధారణ పుస్తకాలను స్వాధీనం చేసుకుని సీజ్ జేయటం దుర్మార్గమన్నారు.