కామారెడ్డి, నవంబర్ 29: పెద్దనోట్ల రద్దు ప్రభావంతో ప్రజలు ఇబ్బందులు పడకుండా అన్ని చర్యలు తీసుకోవాలని రాష్ట్ర ముఖ్య కార్యదర్శి రాజీవ్‌శర్మ కలెక్టర్లను ఆదేశించారు. మంగళవారం ఆయన వీడియోకాన్పరెన్సులో హైద్రబాద్ నుండి మాట్లాడారు. పెద్దనోట్ల రద్దు ప్రభావంతో వ్యాపారులు, ప్రజలు ఇబ్బందులు పడకుండా సులువుగా జరిగే విధంగా చర్యలు చేపట్టాలన్నారు.

నల్లగొండ, నవంబర్ 29: ప్రజల భాగస్వామ్యంతోనే మున్సిపాల్టీ అభివృద్ధి సాధ్యమవుతుందని ఈ దిశగా ప్రజలను చైతన్యం చేసి రాజకీయాలకు అతీతంగా కౌన్సిలర్లు పనిచేసే నల్లగొండ పట్టణాభివృద్దికి కృషి చేయాలని రాష్ట్ర విద్యుత్ శాఖ మంత్రి జి.జగదీష్‌రెడ్డి అన్నారు. మంగళవారం చైర్ పర్సన్ బొడ్డుపల్లి లక్ష్మి అధ్యక్షతన జరిగిన నల్లగొండ మున్సిపల్ కౌన్సిల్ సర్వసభ్య సమావేశంలో తొలిసారిగా హాజరై మాట్లాడారు.

నరసాపురం, నవంబర్ 29: నగదురహిత లావాదేవీలను ప్రోత్సహించేందుకు వీలుగా డిసెంబర్ ఒకటి నుంచి డివిజన్‌లోని అన్ని చౌకడిపోల వద్ద స్వైపింగ్ మిషన్లు అందుబాటులో ఉంచుతున్నట్టు నరసాపురం సబ్ కలెక్టర్ సుమిత్‌కుమార్ గాంధీ తెలిపారు. మంగళవారం ఆయన విలేఖరులతో మాట్లాడుతూ డివిజన్‌లోని 657 చౌకడిపోల ద్వారా ప్రజలు నిత్యావసర వస్తువులు పొందుతున్నారన్నారు.

విజయనగరం, నవంబర్ 29: విజయనగరం పట్టణాభివృద్ధికి వుడా మాస్టర్ ప్లాన్ రూపొందించింది. విఎంఆర్‌డిఎ(విశాఖపట్నం మెట్రోపాలిటిన్ రీజియన్ డెవలప్‌మెంట్ అథారిటీ) మాస్టర్ ప్లాన్ ద్వారా భవిష్యత్‌లో విజయనగరం రూపురేఖలు మారిపోనున్నాయి. మంగళవారం విఎంఆర్‌డిఎ వైస్ చైర్మన్ టి.బాబురావునాయుడు ఆధ్వర్యంలో మాస్టర్‌ప్లాన్‌కు సంబంధించి అధికారులకు శిక్షణ నిర్వహించారు.