కాకినాడ, అక్టోబర్ 23: కాకినాడ కార్పొరేషన్ ఎన్నికలకు రంగం సిద్ధం కావడంతో అధికార తెలుగుదేశం పార్టీ నేతల్లో మేయర్ సీటు కోసం పోటీ పతాక స్థాయికి చేరింది. టిక్కెట్ విషయంలో పార్టీ నిర్ణయమే శిరోధార్యమంటూ ఇటీవల జిల్లా ఇన్‌ఛార్జి మంత్రి దేవినేని ఉమామహేశ్వరరావు చేసిన సూచనలను ఖాతరు చేసే స్థితిలో నగర నేతలున్నట్టు కనిపించడం లేదు.

మారేడుమిల్లి, అక్టోబర్ 23: మారేడుమిల్లి పోలీసులు నాలుగు లక్షల రూపాయల విలువైన 330 బస్తాల్లో ఉన్న 16,800 కేజీల నల్లబెల్లాన్ని ఆదివారం స్వాధీనం చేసుకుని కేసు నమోదు చేశారు. వివరాలు ఇలా ఉన్నాయి. చిత్తూరు జిల్లాలో నెల్లిపాకగ్రామానికి ఈ పాత బెల్లం రవాణా చేస్తుండగా మారేడుమిల్లిలో పోలీసులు వాహనాల తనిఖీ చేస్తుండగా లారీలో నల్లబెల్లం ఉండటాన్ని గమనించారు.

బిక్కవోలు, అక్టోబర్ 23: మండల కేంద్రమైన బిక్కవోలుకు చెందిన స్వర్ణకారుడు అంబరపు శ్రీనివాస్ బంగారంతో రూపొందించిన హెలికాప్టర్ చూపరులకు ఆనందాన్ని, ఆశ్చర్యాన్ని కలుగజేస్తోంది. 2 గ్రాముల, 700 మిల్లీ గ్రాముల బంగారంతో వారం రోజుల పాటు శ్రమించి తయారుచేసిన అతిచిన్న ఈ నమూనా విహంగం అంగుళం లోపు ఎత్తు, అంగుళం పొడవు పరిమాణంలో బొటన వేలి గోరు సైజులో రూపొందించారు.

అమలాపురం, అక్టోబర్ 23: పిసిసి కార్యదర్శిగా అమలాపురంనకు చెందిన ప్రముఖ న్యాయవాది దేవరపల్లి రాజేంద్రబాబును నియమిస్తూ పిసిసి అధ్యక్షుడు ఎన్ రఘువీరారెడ్డి ఉత్తర్వులు జారీ చేశారు. ఆ ఉత్తర్వులను డిసిసి అధ్యక్షుడు కందుల దుర్గేష్ ఆదివారం దేవరపల్లికి అందజేశారు. విద్యార్ధి దశ నుండి కాంగ్రెస్ కార్యకర్తగా పనిచేస్తూ వివిధ పదవులు నిర్వహించిన దేవరపల్లి కుటుంబ సభ్యులు కూడా కాంగ్రెస్ వాదులుగా పనిచేశారు.