వరంగల్, అక్టోబర్ 22: విద్యాసంవత్సరం ప్రారంభమై ఐదునెలలు కావస్తున్నా ఆశ్రమ పాఠశాలల్లో, సంక్షేమ హాస్టళ్లలో ఉండి చదువుకుంటున్న విద్యార్థులకు ఇప్పటి వరకు ఉచిత దుస్తులు పంపిణీ చేయకపోవటంపై అర్బన్ జిల్లా కలెక్టర్ ఆమ్రపాలి అసంతృప్తి వ్యక్తం చేసారు. నవంబర్ నెలాఖరులోగా విద్యార్థులందరికీ ఉచిత దుస్తులు అందించేలా చర్యలు తీసుకోవాలని ఆదేశించారు.

వడ్డేపల్లి, అక్టోబర్ 22:్భరతీయ సనాతన ధర్మానికి మూలభూతాలైన వేదాలలో ఎంతో విజ్ఞానం దాగి ఉందని, దానిని ప్రపంచానికి చాటాల్సిన బాధ్యత ప్రతి భారతీయునిపై ఉందని దేవాదాయశాఖ మంత్రి ఇంద్రకరణ్‌రెడ్డి అన్నారు. వేదమహాసభలలో భాగంగా శనివారం నగరంలోని వెంకటేశ్వర గార్డెన్‌లోజరిగిన మూడవ రోజు కార్యక్రమానికి ముఖ్యఅతిథిగా ఇంద్రకరణ్‌రెడ్డి హాజరయ్యారు.

నిజామాబాద్, అక్టోబర్ 22: ఉద్యమ పార్టీగా ప్రస్థానాన్ని ప్రారంభించి ప్రత్యేక తెలంగాణ రాష్ట్రంలో ఎంతో సునాయసంగా అధికారాన్ని కైవసం చేసుకున్న తెరాస ప్రభుత్వ విధానాలపై ఇప్పుడిప్పుడే విపక్షాల ఆందోళనలు ఊపందుకుంటున్నాయి. ప్రత్యేకించి నిజామాబాద్ జిల్లాలో నెలకొని ఉన్న ఇబ్బడిముబ్బడి సమస్యలపై ప్రధాన ప్రతిపక్షాలకు చెందిన ముఖ్య నేతలు సైతం దృష్టిని కేంద్రీకరిస్తూ నిరసనలు చాటుతున్నాయి.

నిజామాబాద్, అక్టోబర్ 22: రైతాంగానికి తోడ్పాటును అందించేందుకు ప్రభుత్వం సబ్సిడీపై కేటాయిస్తున్న ఎరువులు, విత్తనాల పంపిణీలో ఎలాంటి అక్రమాలు జరిగినా సహించేది లేదని, బాధ్యులపై కఠిన చర్యలు తీసుకుంటామని కలెక్టర్ డాక్టర్ యోగితారాణా హెచ్చరించారు. ఏదైనా సొసైటీలో ఎరువులు, విత్తనాలు దుర్వినియోగమైనట్టు తమ దృష్టికి వస్తే, వచ్చే ఏడాదికి సదరు సొసైటీకి వీటిని కేటాయించబోమని స్పష్టం చేశారు.