హైదరాబాద్, ఆగస్టు 3: ప్రధాని నరేంద్ర మోదీ పాల్గొనే బహిరంగ సభ విజయవంతం కావాలని బిజెపి రాష్ట్ర నాయకులు గురువారం సుదర్శన యాగం నిర్వహించనున్నారు. ప్రధాని రాక సందర్భంగా బిజెపి ఈ నెల 7న ఎల్‌బి స్టేడియంలో భారీ ఏర్పాట్లు చేస్తున్నది. బిజెపి ఎమ్మెల్యే చింతల రామచంద్రారెడ్డి నేతృత్వంలో ఈ యాగం ఉదయం 10 గంటల నుంచి మధ్యాహ్నం ఒంటి గంట వరకు జరగనున్నది.
కేంబ్రిడ్జి ఇంగ్లీష్‌తో ‘టాస్క్’ ఒప్పందం

హైదరాబాద్, ఆగస్టు 3: తెలంగాణ రాష్ట్ర ప్రభుత్వానికి హైకోర్టులో చుక్కెదురైంది. రైతులనుంచి నేరుగా భూములు కొనుగోలు చేసే ఉద్దేశంతో రాష్ట్ర ప్రభుత్వం జారీ చేసిన జీవో123ను కొట్టివేస్తూ హైకోర్టు బుధవారం తీర్పునిచ్చింది. ప్రాజెక్టుల నిర్మాణానికి భూసేకరణ ప్రక్రియ వేగవంతం చేయాలనే ఉద్దేశ్యంతో రాష్ట్ర ప్రభుత్వం 2015 జూలై 30న జీవో 123 జారీ చేసిన విషయం తెలిసిందే.

హైదరాబాద్, ఆగస్టు 3: రాష్ట్రంలో కొలువుల జాతర కొనసాగుతోంది. వరుస నోటిఫికేషన్లు జారీ చేస్తున్న ప్రభుత్వం తాజాగా మరో 1700 పోస్టుల భర్తీకి గ్రీన్ సిగ్నల్ ఇచ్చింది. తెలంగాణ ప్రభుత్వం సాంఘిక గురుకుల పాఠశాలలు, డిగ్రీ కాలేజీల్లో 1794 పోస్టుల భర్తీకి గ్రీన్‌సిగ్నల్ ఇచ్చింది. గతంలో ఆమోదించిన 758 పోస్టులకు ఇవి అదనంగా భర్తీ చేయనున్నట్టు అధికారులు పేర్కొన్నారు.

న్యూఢిల్లీ, ఆగస్టు 3: దేశంలో పరోక్ష పన్నులకు సంబంధించి విప్లవాత్మక మార్పు తీసుకువచ్చే వస్తు సేవల పన్ను (జిఎస్‌టి)కు సంబంధించిన రాజ్యాంగ సవరణ బిల్లును రాజ్యసభ ఏకగ్రీవంగా ఆమోదించటం చారిత్రక పరిణామమని ప్రధాని నరేంద్రమోదీ అభివర్ణించారు. ప్రభుత్వం చేపట్టిన ఈ బృహత్తర లక్ష్య సాధనకు సహకరించిన అన్ని పార్టీల నాయకులకు ధన్యవాదాలు చెప్పారు.