అయోధ్య, జూలై 20: రామ జన్మభూమి-బాబ్రీ మసీదు వివాదంలో అతిపెద్ద కక్షిదారు అయిన హషీం అన్సారీ బుధవారం ఇక్కడ మృతి చెందారు. 1949 నుంచి ఈ వివాదంతో సంబంధం ఉన్న 95 ఏళ్ల అన్సారీ గుండె సంబంధ వ్యాధితో మృతి చెందారు. అన్సారీ తన స్వగృహంలో తెల్లవారు జామున తుది శ్వాస విడిచినట్లు అతని కుమారుడు ఇక్బాల్ చెప్పారు. అయోధ్యలో జన్మించిన అన్సారీ ఈ వివాదంపై తొలిసారి 1949లో ఫైజాబాద్‌లోని సివిల్ జడ్జి కోర్టులో కేసు వేశారు.

న్యూఢిల్లీ, జూలై 20: రిటైరైన వాళ్లకు, ఆరోగ్య సేవలకు సంబంధించీ భారత్ దేశం అత్యంత అధ్వాన్న స్థితిలో ఉంది. మొత్తం 43దేశాల్లోని పరిస్థితులపై జరిగిన అంతర్జాతీయ సర్వేలో భారత్‌కు చిట్టచివరి స్థానం దక్కింది! మొదటి మూడు స్థానాల్లో నార్వే, స్విట్జర్లాండ్, ఐస్‌లాండ్‌లు ఉన్నాయి. మిగతా ఏడు స్థానాలు వరుసగా న్యూజిలాండ్, స్వీడన్, ఆస్ట్రేలియా, జర్మనీ, నెదర్లాండ్స్, ఆస్ట్రియా, కెనడాలు ఉన్నాయి.

భోపాల్, జూలై 20: రైతుల ఆత్మహత్యలకు కారణాలు విశే్లషించి వాటిని నిరోధించే చర్యలు తీసుకోవల్సిన ప్రభుత్వమే విడ్డూరమైన ప్రకటన చేయడం దిగ్భ్రాంతి కలిగించేదే. గత మూడేళ్లుగా మధ్యప్రదేశ్‌లో 418 మంది రైతులు ఆత్మహత్యలు చేసుకున్నారు. అయితే ఇందుకు కారణం వారందరికీ దెయ్యాలు పూనడమేనని మధ్యప్రదేశ్ ప్రభుత్వమే అసెంబ్లీ సాక్షిగా ప్రకటించింది.

న్యూఢిల్లీ, జూలై 20: విద్యా సంస్థలను ఆంధ్ర, తెలంగాణ రాష్ట్రాల మధ్య జనాభా ప్రాతిపదికపై విభజించాలని తెలుగుదేశం లోక్‌సభ సభ్యుడు అవంతి శ్రీనివాస్ బుధవారం లోక్‌సభలో డిమాండ్ చేశారు. విభజన చట్టంలోని తొమ్మిదవ షెడ్యూలు పరిధిలోని 31 సంస్థలు, కంపెనీలను ఇంకా విభజించవలసి ఉన్నది, విద్యా సంస్థల పంపిణీపై రెండు రాష్ట్రాల మధ్య విభేదాలు నెలకొన్నాయని ఆయన సభకు వివరించారు.