రాజంపేట, జూలై 4:రాజంపేట మున్సిపాలిటీలోని 6వ వార్డు రామ్‌నగర్ ఏరియాలో సోమవారం ఉదయం కమిషనర్ ఎన్‌వి రమణారెడ్డి, మున్సిపల్ సిబ్బంది మార్నింగ్ వాక్ నిర్వహించి, ప్రజలతో మమేకమయ్యారు. ఈ సందర్భంగా పలు సమస్యలను గుర్తించడంతో పాటు స్థానిక ప్రజలు ఎదుర్కొంటున్న పలు సమస్యలను విచారించారు. ప్రజలకు సరఫరా అవుతున్న తాగునీటి పథకాలను ఆయన పరిశీలించారు.

రాయచోటి, జూలై 4: రాష్ట్రంలోని ముస్లింల సంక్షేమానికి ముఖ్యమంత్రి నారా చంద్రబాబునాయుడు పెద్దపీట వేస్తున్నారని తెలుగుదేశం పార్టీ జిల్లా మహిళా కార్యదర్శి సుజాత పేర్కొన్నారు.

కడప,(కల్చరల్)జూలై 4: రాష్ట్ర రాజధాని నిర్మాణం కోసం ప్రభుత్వం హిందూ దేవాలయాలను కూల్చివేసి అభివృద్ధి పనులు చేయాలనుకోవడం హిందువుల మనోభావాలతో ప్రభుత్వం చెలగాటం ఆడటమేనని హిందు దేవస్థాన 108 ఆలయాల కమిటీ వ్యవస్థాపక అధ్యక్షుడు జికె మునెయ్య ఆవేదన వ్యక్తం చేశారు. సోమవారం ఆయన విలేఖర్లతో మాట్లాడుతూ రాజధాని విజయవాడలో హిందువులు పూజించే పురాతన దేవాలయాలు కూల్చడం హిందు మనోభావాలను దెబ్బతీయడమేనన్నారు.

రాజుపాళెం, జూలై 4: వెలవలి-తొండలదినె్న గ్రామాల మధ్య నుండి కుందూనది మీదుగా పెద్దజొన్నవరం, ఎంకుపల్లె నుండి జాతీయ రహదారికి అనుసంధానం చేసిన రోడ్డు అధ్వాన్నంగా తయారైంది. గతంలో ఎప్పుడో కుందూనదిపై బ్రిడ్జి నిర్మించాక ఈ గ్రామాల మధ్య నుండి కడప-కర్నూలు జాతీయ రహదారి వరకు తారురోడ్డు నిర్మించారు. ఆ తర్వాత ఆ రోడ్డు స్థితిగతుల గురించి పంచాయతీరాజ్ అధికారులు పట్టించుకోలేదు.