శ్రీకాకుళం, మే 17: గృహానిర్మాణశాఖ ఇంజనీరింగ్ అధికారుల పనితీరు బాగాలేదంటూ కలెక్టర్ డాక్టర్ పి.లక్ష్మీనృసింహం మండిపడ్డారు. ఎ.ఇ., డి.ఇ.లు రోజువారీ ప్రగతి నివేదికను తు.చ.తప్పకుండా పంపాలని అలా పంపని వారు సెలవుపై వెళ్ళిపోవచ్చునంటూ హుకుం జారీ చేశారు. ప్రధానమంత్రి ఆవాస యోజన పథకం కింద పట్టణ ప్రాంతాల్లో గృహాలు నిర్మించడానికి స్థలాలను పరిశీలించాలని మున్సిపల్ కమిషనర్లు, హౌసింగ్ ఇంజనీర్లును ఆదేశించారు.

శ్రీకాకుళం(కల్చరల్), మే 17: పట్టణంలోని పిఎన్ కాలనీలోని నారాయణతిరుమల వెంకటేశ్వరస్వామి దేవస్థానంలో వార్షిక కల్యాణోత్సవాలు వైభవంగా జరుగుతున్నాయి. మంగళవారం శ్రీవారు స్వర్ణకవచం ధరించి భక్తులకు ఆరుదైన దర్శనం ఇచ్చారు. ఆలయ ప్రధానార్చకుడు జి.శ్రీనివాసులు ప్రత్యేక పూజలు నిర్వహించారు.

లావేరు, మే 17: వైసిపి అధినేత జగన్ చేపట్టిన జలదీక్షకు మండల వైసిపి మద్దతు తెలిపింది. సుభద్రాపురం జంక్షన్‌లో మంగళవారం పార్టీ నేతలు జలదీక్ష కార్యక్రమాన్ని విజయవంతంగా కొనసాగాలని ఆక్షాంక్షిస్తూ మద్దతు కార్యక్రమాన్ని చేపట్టారు. కేంద్రప్రభుత్వం స్పందించి వెంటనే రాష్ట్రానికి రావాల్సిన నీటి వాటా సజావుగా విడుదలయ్యేలా చర్యలు చేపట్టాలని డిమాండ్ చేశారు.

ఒంగోలు, మే 17 : బ్యాంకు అధికారులు వివిధ కార్పొరేషన్ల ద్వారా వారికి నిర్దేశించిన రుణ లక్ష్యాలను శనివారం లోగా పూర్తి చేయాలని కలెక్టర్ సుజాత శర్మ బ్యాంకర్లను ఆదేశించారు. మంగళవారం ఉదయం స్థానిక సిపివో సమావేశ మందిరంలో జిల్లా కన్సల్టేటివ్ కమిటీ సమావేశం జిల్లా కలెక్టర్ అధ్యక్షతన నిర్వహించారు. బ్యాంకర్లు రైతులకు పంటరుణాలు అందించేందుకు చొరవ చూపాలన్నారు.