వరంగల్, ఏప్రిల్ 12: ఎస్సై ప్రిలిమినరీ వ్రాత పరీక్ష రోజున ఎలాంటి ట్రాఫిక్ సమస్య తలెత్తకుండా అధికారులు అప్రమత్తంగా ఉండాల్సిందిగా వరంగల్ పోలీస్ కమిషనర్ జి.సుధీర్‌బాబు అధికారులను ఆదేశించారు. ఈ నెల 17వ తేదీన వరంగల్ నగరంలో నిర్వహించబడే ఎస్సై ప్రిలిమినరీ వ్రాత పరీక్షను ప్రశాంతంగా నిర్వహించేందుకు గాను మంగళవారం పోలీస్ కమిషనర్ అధికారులతో సమావేశాన్ని ఏర్పాటు చేశారు.

వర్థన్నపేట, ఏప్రిల్ 12: ఐనవోలు మల్లికార్జున స్వామి దేవస్థానం అభివృద్ధి కోసం కృషి చేస్తానని వర్ధన్నపేట శాసన సభ్యుడు అరూరి రమేష్ అన్నారు. మంగళవారం రోజు మల్లికార్జున స్వామి దేవస్థాన ప్రాంగణంలో ప్రత్యేక పూజలు నిర్వహించిన అనంతరం జాతర ప్రాంగణాన్ని పరిశీలించారు.

కేసముద్రం, ఏప్రిల్ 12: మానుకోట ఎమ్మెల్యే మంగళవారం ఉదయం కేసముద్రం మార్కెట్‌ను ఆకస్కిక తనిఖీ చేయగా 10 గంటల వరకు కూడా రెగ్యులర్ ఉద్యోగులెవరూ విధులకు హాజరు కాలేదన్న ఘటనపై మార్కెటింగ్ శాఖ ఉన్నతాధికారులు స్పందించారు. ఈ మేరకు విధుల పట్ల అలక్ష్యం చూపుతున్నారనే కారణంతో మార్కెట్ సూపర్‌వైజర్ క్రిష్ణను సస్పెండ్ చేస్తున్నట్లు డిడి శ్రీనివాస్ మంగళవారం ప్రకటించారు.

ములుగు, ఏప్రిల్ 12: మండలంలోని పలు గ్రామాల్లో రాష్ట్ర గిరిజన సంక్షేమ, పర్యాటక, సాంస్కృతికశాఖ మంత్రి అజ్మీరా చందూలాల్ మంగళవారం సుడిగాలి పర్యటన నిర్వహించారు. ఉదయం ములుగులోని టిఆర్‌ఎస్ కార్యాలయంలో ఏటూరునాగారం ఐటిడిఎ వెబ్‌సైట్‌ను ప్రారంభించారు. అక్కడి నుండి మండలంలోని అన్నంపల్లి గ్రామశివారులోని తొర్రుకుంట చెరువుకు రూ.