హైదరాబాద్, నవంబర్ 20: ప్రభుత్వ కార్యాలయాల్లో, అధికారిక కార్యకలాపాల్లో దుబారా అరికట్టాలని సిఎం కె చంద్రశేఖర్‌రావు అధికారులను ఆదేశించారు. శుక్రవారం ప్రభుత్వ ప్రధాన కార్యదర్శి రాజీవ్‌శర్మతో ఈ అంశంపై సిఎం చర్చించారు. ఆదా మొత్తాన్ని అభివృద్ధి, సంక్షేమానికి వినియోగించాలని సూచించారు. అత్యంత ప్రాధాన్యత కలిగిన అంశంగా దీన్ని గుర్తించాలని, గతంతో పోలిస్తే పరిస్థితిలో మెరుగుదల కనిపించాలన్నారు.

బైరెడ్డిపల్లె, నవంబర్ 20: బంధువుల వివాహ మహోత్సవానికి వెళ్లి తిరిగి ఇంటికి వస్తూ ఐదు నిమిషాల్లో గమ్యం చేరనున్న నేపథ్యంలో చిత్తూరు నుండి కుప్పంకు వెళ్తున్న బస్సును, బైరెడ్డిపల్లె గ్రామంలోకి వెళ్తున్న కారు ఢీకొన్న సంఘటన శుక్రవారం ఉదయం జరిగింది. ఈరోడ్డు ప్రమాదంలో ఒకే కుటుంబానికి చెందిన ఐదుగురు అక్కడికక్కడే మృతి చెందడంతో మృతుల స్వగ్రామమైన మిట్టకురపల్లెలో విషాద ఛాయలు అలుముకున్నాయి.

న్యూఢిల్లీ, నవంబర్ 20: జిఎస్టీ అమలుతో రాష్ట్రాలకు వివిధ రూపాల్లో ఎదురయ్యే నష్టాల భర్తీకి నష్టపరిహారాల చెల్లింపు నిధి ఏర్పాటు చేసి తీరాలని ఆంధ్రప్రదేశ్ కరాఖంఢిగా చెప్పింది. నిధి ఏర్పాటుకు సంబంధించి రాజ్యాంగ సవరణ చేసి బిల్లులో పొందుపర్చి తీరాలన్న తమ డిమాండ్‌ను ఆమోదించాలని రాష్ట్ర ఆర్థిక మంత్రి యనమల రామకృష్ణుడు డిమాండ్ చేశారు.

బమాకో (మాలీ), నవంబర్ 20: ఇస్లామిక్ మిలిటెంట్లు మళ్లీ పేట్రేగిపోయారు. ఫ్రాన్స్ రాజధాని ప్యారిస్‌లో మారణకాండ సృష్టించి వారం తిరక్క ముందే పశ్చిమాఫ్రికా దేశమైన మాలిపై విరుచుకు పడ్డారు. మాలి రాజధాని బమాకో..ఇస్లామిక్ ఉగ్రవాదుల నరమేధానికి వేదికగా మారింది. రాడిసన్ బ్లూ అనే హోటల్‌పై శుక్రవారం ఉదయం తెగబడ్డ ఉగ్రవాదులు 170మందిని బందీలుగా చేజిక్కించుకున్నారు. 22మందిని హతమార్చారు.