రాష్ట్రీయం
అవినీతి రహిత పాలనకు అన్నీ ఆన్‌లైన్‌లోనే
S ,7 à 8 RSCA (si SASPAS) et 6 cialis pharmacie cialis rapports de stage.
నెల్లూరు/గూడూరు, జనవరి 21: రెవెన్యూ, భూ సమస్యలకు సంబంధించిన ప్రజలనుంచి వచ్చిన దరఖాస్తులను వెంటనే పరిష్కరించడంలో ప్రత్యేక శ్రద్ధ తీసుకోవాలని రాష్ట్ర ఉప ముఖ్యమంత్రి, రెవెన్యూశాఖ మంత్రి కెఇ కృష్ణమూర్తి అధికారులకు సూచించారు. గురువారం జిల్లా పరిషత్ సమావేశ మందిరంలో జిల్లా స్థాయి రెవెన్యూ అధికారులతో జరిగిన సమీక్షా సమావేశంలో ఆయన మాట్లాడుతూ రాష్ట్ర ప్రభుత్వం ప్రతిష్టాత్మకంగా తీసుకుని ప్రవేశపెట్టిన మీ ఇంటికి-మీ భూమి కార్యక్రమాన్ని నెల్లూరు జిల్లాలో పటిష్టంగా అములు చేస్తున్నందుకు అధికారులను ఆయన అభినందించారు. ఇటీవల జిల్లాలో సంభవించిన వరదల్లో సహాయ చర్యలు చేపట్టడంలో రెవెన్యూ యంత్రాంగం పనితీసు అభినందించదగ్గ విషయమన్నారు. ప్రభుత్వం అమలు చేస్తున్న పట్టాదారు పాస్ పుస్తకాలు, ఇ క్రాప్, మీ సేవ పౌర సరఫరాలు, ఆర్‌ఎస్‌ఆర్ కార్యక్రమాలను క్షేత్ర స్థాయిలో పర్యవేక్షించి సమర్థవంతంగా అమలు చేసేలా చర్యలు తీసుకోవాలన్నారు. నవ్యాంధ్ర రాజధాని నిర్మాణ ప్రక్రియలో డిప్యూటీ కలెక్టర్ స్థాయి అధికారులు గత నెల నుంచి అమరావతిలో మకాం ఉంటూ నిరంతరంగా కృషి చేస్తున్నారని చెప్పారు. కాగా భూ సర్వే నిర్వహించేందుకు ప్రభుత్వం అందచేసిన ఆధునిక యంత్రాలను తీసుకుని వెళ్లేందుకు అద్దెపై వాహన సదుపాయాలను కల్పిస్తామన్నారు. రాష్ట్ర చీఫ్ కమిషనర్ ల్యాండ్ అక్విజిషన్ ఏసి పునీత మాట్లాడుతూ ప్రధానంగా జిల్లాలో పట్టాదారు పాస్ పుస్తకాలు అందచేయడంలో కొన్ని మండలాలలో లక్ష్యాలు సాధించడంలో వెనుకబడి ఉన్నారన్నారు. మీ ఇంటికి-మీ భూమి కార్యక్రమంపై రైతులకు పూర్తి అవగాహన కల్పించి వారి నుంచి వచ్చిన సమస్యలను అంశాల వారిగా వెబ్‌సైట్‌లో పొందుపరచి సకాలంలో పరిష్కరించేలా చూడాలన్నారు. ఆధార్ సిడీంగ్ ప్రక్రియ పెండింగ్ లేకుండా పూర్తి స్థాయిలో నిర్వహించేలా అధికారులు చర్యలు తీసుకోవాలన్నారు. ఈ పాస్ సిస్టం సమర్థవంతంగా నర్వహించేలా జాయింట్ కలెక్టర్ ఆధ్వర్యంలో ప్రత్యేక చర్యలు తీసుకోవాలన్నారు. ఈ సమీక్ష సమావేశంలో రాష్ట్ర రెవెన్యూ శాఖ ముఖ్య కార్యదర్శి జెసి శర్మ తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.