అంతర్జాతీయం
అమెరికాను కమ్మేసిన మంచు
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్ / న్యూయార్క్, జనవరి 24: హిమపాతం గుప్పిట అమెరికా గజగజలాడిపోతోంది. దాదాపు తూర్పుతీర ప్రాంతమంతా ప్రచండ గాలులతో పాటు రికార్డు స్థాయిలో కురిసిన హిమపాతంతో అతలాకుతలమైపోయింది. ఈ సంఘటనల్లో 18మంది మరణించారు. లక్షలాదిమంది అమెరికన్లు దిక్కుతోచని పరిస్థితుల్లో కొట్టుమిట్టాడుతున్నారు. గత రెండు రోజులుగా ఈ హిమపాత పరిస్థితి అమెరికా ప్రభుత్వాన్ని అయోమయంలో పడేసింది. స్నోజిల్లాగా పేర్కొంటున్న ఈ హిమ ఉత్పాతానికి అమెరికా ఆగ్నేయ ప్రాంతమంతా స్తంభించిపోయిందని దాదాపు మూడు అడుగుల మంచుతో కప్పబడి పోయినట్లు కథనాలు అందుతున్నాయి. దాదాపు పది రాష్ట్రాలు అత్యవసర పరిస్థితిని ప్రకటించాయి. ఈ హిమపాతం వల్ల 85 మిలియన్ మంది ప్రజలు ఇబ్బందులకు గురయ్యారు. అలాగే న్యూయార్క్, వాషింగ్టన్ సహా అనేక ప్రధాన నగరాల్లో జనజీవనం పూర్తిగా స్తంభించిపోయింది. లక్షలాది ఇళ్లకు విద్యుత్ సరఫరా నిలిచిపోవడంతో పాటు వేలాదిగా విమాన సర్వీసులు రద్దయ్యాయి.
ప్రతికూల వాతావరణ పరిస్థితుల కారణంగా అనేకచోట్ల జరిగిన ప్రమాదాల్లో 18మంది మరణించారు. అనేకచోట్ల కార్లు పరస్పరం ఢీకొన్నాయి. మంచులో కూరుకుపోయాయి. న్యూయార్క్ వంటి పట్టణాల్లో కారు ప్రయాణంపై నిషేధం విధించాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.