అంతర్జాతీయం
అసాంజేది నిరంకుశ నిర్బంధమే
S ,7 à 8 RSCA (si SASPAS) et 6 cialis pharmacie cialis rapports de stage.
జెనీవా/ లండన్, ఫిబ్రవరి 5: బ్రిటన్, స్వీడన్‌లకు వ్యతిరేకంగా ఐక్యరాజ్య సమితి వేదికగా చేసిన పోరాటంలో వికీలీక్స్ వ్యవస్థాపకుడు జూలియన్ అసాంజే విజయం సాధించారు. అసాంజేది నిరంకుశ నిర్బంధమేనని ఐరాస వర్కింగ్ గ్రూప్ శుక్రవారం తన నిర్ణయాన్ని ప్రకటించింది. నిరంకుశ నిర్బంధం వల్ల అసాంజే తన స్వేచ్ఛను కోల్పోయారని పేర్కొంది. మూడు సంవత్సరాలకు పైగా కాలం నుంచి నిరంకుశ నిర్బంధంలో ఉన్న అసాంజేకు తగిన నష్టపరిహారం చెల్లించాలని కూడా ఐరాస వర్కింగ్ గ్రూప్ బ్రిటన్, స్వీడన్‌లను ఆదేశించింది. నిరంకుశ నిర్బంధాలపై ఏర్పడిన ఐరాస వర్కింగ్ గ్రూప్ నిపుణుల కమిటీ ప్రస్తుత అధినేత సియోంగ్ ఫిల్ హాంగ్ శుక్రవారం జెనీవాలో మాట్లాడుతూ అసాంజే ఒక రకమైన నిరంకుశ నిర్బంధానికి గురయ్యారని ప్రకటించారు. అసాంజే నిరంకుశ నిర్బంధానికి ముగింపు పలకాలని వర్కింగ్ గ్రూప్ భావిస్తోందని ఆయన పేర్కొన్నారు. అసాంజేకు ఉన్న ఎక్కడికైనా వెళ్లే స్వేచ్ఛను గౌరవించాలని, ఇంతకాలం నిరంకుశ నిర్బంధంలో ఉన్నందుకు నష్టపరిహారాన్ని పొందే హక్కు ఆయనకు ఉందని హాంగ్ వివరించారు. అయితే ఐరాస వర్కింగ్ గ్రూప్ నిర్ణయాన్ని బ్రిటన్, స్వీడన్ తోసిపుచ్చాయి. వర్కింగ్ గ్రూప్ నిర్ణయంలో కొత్తేమే లేదని వ్యాఖ్యానించాయి.
ఆస్ట్రేలియాకు చెందిన 44 ఏళ్ల అసాంజే గత మూడేళ్లుగా సెంట్రల్ లండన్‌లోని ఈక్వెడార్ దౌత్య కార్యాలయంలో ఆశ్రయం పొందుతున్నారు. అసాంజే 2006లో ప్రారంభించిన వికీలీక్స్ అఫ్గానిస్తాన్, ఇరాక్ యుద్ధాలకు సంబంధించి అమెరికా మిలిటరీకి చెందిన అయిదు లక్షల రహస్య పత్రాలను బహిర్గతం చేసిన విషయం తెలిసిందే. అమెరికా విదేశాంగ శాఖకు చెందిన రెండున్నర లక్షల కేబుళ్లను కూడా బయటపెట్టింది. అసాంజే తమపై లైంగిక దాడికి పాల్పడ్డాడని స్వీడన్‌కు చెందిన ఇద్దరు మహిళలు ఇదివరకే కేసు పెట్టారు. ఈ ఆరోపణలను అసాంజే ఇదివరకే తోసిపుచ్చారు. ఈ కేసులో బ్రిటన్ తనను స్వీడన్‌కు అప్పగించకుండా తప్పించుకోవడానికి ఆయన ఈక్వెడార్ దౌత్య కార్యాలయంలో ఆశ్రయం పొందారు. ఈ దౌత్య కార్యాలయంలోని ఒక చిన్న గదిలో ఉంటున్న అసాంజే తనకు అంతరిక్ష కేంద్రంలో ఉన్నట్లుగా ఉందని అభివర్ణించారు. బ్రిటన్ తనను స్వీడన్‌కు అప్పగిస్తే తరువాత స్వీడన్ తనను అమెరికాకు అప్పగిస్తుందని అసాంజే భయపడుతున్నారు. అప్పుడు అమెరికా రహస్య పత్రాలను బయటపెట్టినందుకు గాను ఆ దేశం తనను గూఢచర్యం చట్టం కింద విచారిస్తుందనేది అసాంజే ఆందోళన. ఒకవేళ ఐరాస వర్కింగ్ గ్రూప్ తనది నిరంకుశ నిర్బంధం కాదని ప్రకటిస్తే తాను శుక్రవారం మధ్యాహ్నమే ఈక్వెడార్ దౌత్య కార్యాలయం నుంచి బయటకు వచ్చి బ్రిటన్ పోలీసులకు లొంగిపోతానని అసాంజే గురువారం ప్రకటించిన విషయం తెలిసిందే.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.