ఆవిర్భావ దినోత్సవానికి భారీ సన్నాహాలు

హైదరాబాద్: జూన్ 2న తెలంగాణ ఆవిర్భావ దినోత్సవాన్ని నగరంలో అద్భుతరీతిలో నిర్వహించాలని మంత్రి నాయిని నరసింహారెడ్డి తెరాస కార్యకర్తలను ఆదేశించారు. పార్టీ కార్యాలయంలో సోమవారం నాడు ముఖ్యనేతలతో ఆయన సమావేశమై ఏర్పాట్లను సమీక్షించారు. నగరాన్ని విద్యుత్ కాంతులతో నింపాలని, స్వాగత ద్వారాలు, పార్టీ జెండాలతో అంతా గులాబీమయం కావాలని ఆయన అన్నారు. ఆ రోజున తెలంగాణ అమరవీరులకు ఘనంగా నివాళులర్పించి, వారి కుటుంబాలను ఆదుకునేందుకు పలు కార్యక్రమాలు చేపడతామని నాయిని తెలిపారు.