అక్షరాలోచన
అనుకోని అతిథి
S ,7 à 8 RSCA (si SASPAS) et 6 cialis pharmacie cialis rapports de stage.
Published Sunday, 4 June 2017
- వేముల ప్రభాకర్ 9533120533
అతనికి ఆహ్వానాలతో పనిలేదు
స్వాగత ద్వారాలు చాలు
తెచ్చుకోలు చిరునవ్వులు నచ్చవు
ఫొటోల కోసం వాటేసుకోడు
కెమెరా కంట్లో పడాలని
ముందు వరసలో సీటేసుకోడు
సహృదయంతో ఆశీర్వదిస్తాడు
సంతోషంగా భోంచేసి వెళ్తాడు
బంధుమిత్రుల జాబితాలో లేడు
వధూవరుల్లో ఎవరివాడో తెలియదు
ఎవడు వాడు ఎచటి వాడని
ఆరాలు తీయడం అనవసరం
అతనో రోడ్డున పడ్డ జోగి
పూట గడవని నిరుద్యోగి
చతికిలపడ్డ సంసారి
తన విషాదాల కవనాన్ని కప్పిపెట్టి
ఇతరుల ఆనందాల షాయరీ వినేవాడు
ఫోన్ చేసినా ఎత్తనివాళ్ళు
నమస్తే అన్నా వినిపించుకోనివాళ్ళు
వచ్చినా విఐపీల్లా కనబడిపోయేవాళ్ళు
తిని తప్పులు తీసేవాళ్ళు
అలిగి తలనొప్పులు తెచ్చేవాళ్ళు
ఎందరో మహానుభావుల కన్నా
నయమే కదా
అనుకోని అతిథి.