రాష్ట్రీయం
అగ్రిగోల్డ్ ఆస్తుల వేలం
S ,7 à 8 RSCA (si SASPAS) et 6 cialis pharmacie cialis rapports de stage.
హైకోర్టు గ్రీన్ సిగ్నల్
హైదరాబాద్, డిసెంబర్ 31: అగ్రిగోల్డ్ సంస్థ ఆస్తులను వేలం ద్వారా విక్రయించేందుకు హైకోర్టు అనుమతించింది. గురువారం ఈ కేసుపై జరిగిన విచారణ సందర్భంగా త్రిసభ్య కమిటీ తరఫున హాజరైన న్యాయవాది రవి ప్రసాద్ కోర్టుకు నివేదిక అందించారు.త్రిసభ్య కమిటీ ఈ-వేలం నిర్వహించేందుకు గాను మూడు సంస్థలను ఖరారు చేసిందని తెలిపారు. హైకోర్టు తాత్కాలిక ప్రధాన న్యాయమూర్తి జస్టిస్ దిలీప్ బి బోసేల్, జస్టిస్ ఎస్‌వి భట్‌తో కూడిన ధర్మాసనం అగ్రిగోల్డ్ సంస్థ మోసాలపై దాఖలైన కేసును విచారణకు చేపట్టింది. ఈ సందర్భంగా త్రిసభ్య కమిటీ తరఫు న్యాయవాది ఇచ్చిన వివరణతో ధర్మాసనం ఆస్తుల వేలం నిర్వహణకు ముందుకెళ్లాలని అనుమతించింది. మెటల్ స్క్రాప్ ట్రేడింగ్ కార్పొరేషన్ సహా మూడు కంపెనీలను ఎంపిక చేయడం జరిగిందని తెలిపారు. ఆరు ఆస్తులకు గాను ఒక్కో కంపెనీ రెండేసి ఆస్తులను ఈ-వేలం నిర్వహణ చేపడతాయని వివరించారు. వేలం నిర్వహణ మూడు వారాల్లో ప్రారంభిస్తామని కోర్టుకు న్యాయవాది వివరించారు. అగ్రిగోల్డ్ కేసులో విచారణ ఎందుకు ఆలస్యమవుతోందని, చార్జిషీట్ ఇంతవరకు ఎందుకు వేయలేదని ధర్మాసనం ఎపి ప్రభుత్వం తరఫు న్యాయవాది ఎం.కృష్ణప్రకాశ్‌ను ప్రశ్నించింది. ఇందుకు ఆయన ధర్మాసనానికి వివరణ ఇస్తూ ఈ కేసులో నిందితులను అదుపులోకి తీసుకుని ప్రశ్నించాల్సిన అవసరం లేదని, విచారణ అధికారి ఫోరెన్సిక్ నిపుణుల నుంచి నివేదిక రాగానే సమగ్ర చార్జిషీట్‌ను దాఖలు చేస్తారని కోర్టుకు నివేదించారు. అనంతరం ఈ కేసు విచారణను హైకోర్టు వాయిదా వేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.