రాష్ట్రీయం
‘తెల్ల’బోయిన అంగన్‌వాడీలు
S ,7 à 8 RSCA (si SASPAS) et 6 cialis pharmacie cialis rapports de stage.
ఇటు జీతాల పెంపు.. అటు రేషన్ కార్డులు కట్ * రంగం సిద్ధం చేసిన సర్కార్
విజయవాడ, మార్చి 17: మోకాలకీ బోడిగుండుకూ ముడిపెట్టినట్లుగా ఉద్యమాల కారణంగా అంగన్‌వాడీ ఉపాధ్యాయులకు పెంచిన వేతనాలు వారికి మరో రకంగా నష్టాన్ని తెచ్చి పెడుతున్నాయి. వచ్చే నెల నుంచి కొత్త జీతాలు అందుకోబోతున్న అంగన్‌వాడీలకు వార్షిక ఆదాయ పరిమితి దాటారంటూ తెల్లకార్డుల్ని సామూహికంగా తొలగించేందుకు ప్రభుత్వం రంగం సిద్ధం చేస్తోంది. ఇంకా కొత్త జీతాలు చేతికి రాకుండానే అంగన్‌వాడి ఉపాధ్యాయులు ’తెల్ల’బోయే పరిస్థితి ఎదురవుతోంది. ప్రభుత్వం తీసుకోబోయే నిర్ణయం వల్ల 55వేల 607 మంది అంగన్‌వాడీ ఉపాధ్యాయులు తెల్లరేషన్ కార్డులను కోల్పోనున్నారు. ఇప్పటివరకు వర్కర్లకు నెలకు రూ.4200లు, హెల్పర్లకు రూ.2200 చెల్లిస్తూ వచ్చింది. రాష్ట్రంలోని 13 జిల్లాల్లో 48వేల 770 మెయిన్, 6వేల 837 మినీ అంగన్‌వాడీ కేంద్రాలున్నాయి. ప్రతి కేంద్రంలోను ఒక వర్కర్, ఒక హెల్పర్ పనిచేస్తున్నారు. ఇదిలా వుంటే తెల్లకార్డు పొందటానికి గ్రామాల్లో రూ.72వేలు పట్టణాల్లో రూ.75వేలను వార్షికాదాయ పరిమితిగా ఓ విధానాన్ని రూపొందించటం జరిగింది. ఇదిలా వుండగా పూర్తిస్థాయిలో పనిచేయించుకుంటూ అరకొర వేతనం ఇవ్వడంపై సుదీర్ఘ ఆందోళనల అనంతరం ముఖ్యమంత్రి నారా చంద్రబాబునాయుడు వర్కర్లకు ముందు రూ.7వేల 200లు పెంచుతామని ఆపై ఏడువేలకు అలాగే హెల్పర్లకు రూ.4వేల 500లకు పెంచడానికి అంగీకరిస్తూ ఈమేర ఏప్రిల్ మాసం నుంచి చెల్లించేందుకు అంగీకరించారు. ఇదిలా వుంటే మీకు తెల్లకార్డులను ఎందుకు తొలగించరాదో మండల తహశీల్దార్ కార్యాలయంలో డెప్యూటీ తహశీల్దార్ (సివిల్ సప్లయి) సంజాయిషీ ఇచ్చుకోవాలని లేనిపక్షంలో తమ వద్దనున్న ఆధారాల ప్రకారం గులాబీ కార్డుకు సిఫార్స్ చేస్తామంటూ తహశీల్దార్ల పేర అంగన్‌వాడీ వర్కర్లకు నోటీస్‌లు జారీ అవుతున్నాయి. ఈమేర గత రెండు రోజులుగా ప.గో జిల్లా పోలవరం మండలం బంగారంపేట, కొత్త పట్టిసీమ, గూటాల రామయ్యపేట గ్రామాల్లోని అంగన్‌వాడీలకు నోటీస్‌లు జారీ అవుతుండగా రాష్టవ్య్రాప్తంగా ప్రకంపనాలు చోటుచేసుకుంటున్నాయి. పెరిగిన వేతనం ప్రకారం వర్కర్లకు సాలీనా రూ.84వేలు ఆదాయం దాటుతున్న కారణంగానే నోటీసులు జారీ చేయబోతున్నామని కృష్ణా, గుంటూరు జిల్లాల సివిల్ సప్లయ్ అధికారులు చెబుతున్నారు. అలా కాదు ఇది కేవలం కక్ష సాధింపు మాత్రమేనని గతంలో ఉద్యమాల్లో పాల్గొన్నవారిని కూడా తొలగించేందుకు కుట్ర జరిగిందని సిఐటియు అనుబంధ ఆం.ప్ర. అంగన్‌వాడీ వర్కర్స్ హెల్పర్ యూనియన్ రాష్ట్ర ప్రధాన కార్యదర్శి కె.సుబ్బరావమ్మ, అధ్యక్షురాలు జి.బేబిరాణి ఆంధ్రభూమి ప్రతినిధితో అన్నారు. ఏదో రీతిలో అంగన్‌వాడీలకు తెల్ల రేషన్‌కార్డును రద్దుచేసే ఆలోచనను విరమించుకోవాలన్నారు. కార్మికశాఖ నిబంధనల ప్రకారం అయినా లేక వీరిని ప్రభుత్వ ఉద్యోగులుగా గుర్తించినా కనీస వేతనం, పిఎఫ్, ఇఎస్‌ఐ, గ్రాట్యుటీ, పెన్షన్ వంటి సౌకర్యాలు లేవన్నారు. అంగన్‌వాడీలకు తెల్లరేషన్‌కార్డులను రద్దు చేయాలనే ప్రభుత్వ ఆలోచనను సిపిఎం రాష్ట్ర కార్యదర్శి పెనుమల్లి మధు ఓ ప్రకటనలో తీవ్రంగా ఖండించారు.
ఇదిలా వుంటే రాష్ట్రంలో కార్డుల ఏరివేత ఇక తీవ్రతరం కాబోతున్నది. ఇందుకుగాను ఏడంచెల విధానాన్ని తెరపైకి తెచ్చారు. నాలుగు చక్రాల మోటార్ వాహనం, ఐదెకరాల మెట్ట లేదా రెండెకరాల మాగాణి భూమి, నెలకు 200 యూనిట్లు విద్యుత్ వినియోగం దాటినా, ప్రభుత్వ ఉద్యోగి అయినా తక్షణం తెల్ల కార్డును తొలగించబోతున్నారు. గత జన్మభూమిలోను ఈ విధంగా రాష్టవ్య్రాప్తంగా 40వేల తెల్లకార్డులను తొలగించినట్లు తెలుస్తోంది. ఆర్‌టిసి కాంట్రాక్ట్ ఉద్యోగుల తెల్ల కార్డులను కూడా తొలగించబోతున్నారని తెలిసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.