అంతర్జాతీయం
కాల్పుల్లో ఐదుగురు ఉగ్రవాదులు హతం
S ,7 à 8 RSCA (si SASPAS) et 6 cialis pharmacie cialis rapports de stage.
శ్రీనగర్, ఆగస్టు 4: జమ్మూ-కాశ్మీర్‌లోని షోపియాన్ జిల్లాలో భద్రతా బలగాలు, ఉగ్రవాదుల మధ్య జరిగిన భీకర కాల్పుల్లో ఐదుగురు ఉగ్రవాదులు హతమయ్యారు. ఈ సంఘటనలో సాధారణ పౌరుడు ఒకరు మరణించగా, మరో 10 మంది గాయపడ్డారు. శనివారం ఉదయం కిలోరా ప్రాంతంలో ఉదయం భద్రతా బలగాలు, ఉగ్రవాదులు పరస్పరం కాల్పులకు తెగబడ్డారు. శుక్రవారం రాత్రి జరిగిన కాల్పుల్లో ఒక మిలిటెంట్ హతం కాగా, శనివారం మరో నలుగురిని భద్రతా బలగాలు మట్టుబెట్టాయి. హతమైన ఐదుగురు మిలిటెంట్లు స్థానికులుగా గుర్తించినట్టు సంబంధిత అధికార వర్గాలు పేర్కొన్నాయి. కాగా, స్థానిక మిలిటెంట్లు ఐదుగురు ప్రాణాలు కోల్పోవడంతో వందలాదిమంది సంఘటనా స్థలానికి చేరుకుని భద్రతా బలగాలపై రాళ్లదాడికి దిగారు. దీంతో సెక్యూరిటీ బలగాలు గాల్లోకి కాల్పులు జరిపి ఆందోళనకారులను చెదరగొట్టారు. క్షతగాత్రులను సమీపంలోని ఆసుపత్రికి తరలించారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.