అంతర్జాతీయం
భారత్, పాక్ మైత్రికి నిర్మాణాత్మక కృషి
S ,7 à 8 RSCA (si SASPAS) et 6 cialis pharmacie cialis rapports de stage.
బీజింగ్, ఆగస్టు 22: భారత్, పాకిస్తాన్ దేశాల ద్వైపాక్షిక మైత్రీ సంబంధాలు బలపడే దిశగా నిర్మాణాత్మక కృషి జరుపుతామని చైనా విదేశంగ శాఖ ప్రతినిధి లూ కాంగ్ అన్నారు. చర్చల ద్వారా సమస్యలను పరిష్కరించుకోవాలన్న అభిప్రాయాన్ని రెండు దేశాల ప్రధాన మంత్రులు వ్యక్తం చేయడం శుభ పరిణామమని వ్యాఖ్యానించారు. భారత్, పాక్ తమకు పొరుగు దేశాలని, కాబట్టి ఈ రెండింటి మధ్య స్నేహపూర్వక వాతావరణం ఉండాలని చైనా కోరుకుంటున్నదని చెప్పారు. దక్షిణ ఆసియాలో భారత్, పాకిస్తాన్ దేశాలు అత్యంత కీలకంగా ఉన్నాయని, ఆ కోణంలో చూసినా ద్వైపాక్షిక సంబంధాలు బలపడాల్సిన అవసరం ఉందని కాంగ్ అన్నారు. భారత ప్రధాని నరేంద్ర మోదీ, పాకిస్తాన్ ప్రధానిగా ఇటీవలే పదవీ స్వీకారం చేసిన ఇమ్రాన్ ఖాన్ త్వరలోనే ద్వైపాక్షిక చర్చలకు శ్రీకారం చుడతారన్న ఆశాభావం వ్యక్తం చేశారు. ఈ దిశగా అవసరమైన సహాయసహకారాలను అందించడానికి చైనా సిద్ధంగా ఉందన్నారు. క్రీయాశీలక పాత్రను పోషించడానికి వెనుకంజ వేయబోమని వ్యాఖ్యానించారు. దక్షిణ ఆసియా ప్రాంతంలో శాంతి నెలకొనాల్సిన అవసరం ఎంతైనా ఉందన్నారు. భారత్, పాక్ ఈ ప్రాంతంలో అత్యంత కీలక దేశాలు కాబట్టి, వాటి మధ్య సయోధ్య కొనసాగాలని హితవు పలికారు. ఇరు దేశాల ప్రధాన మంత్రులు చర్చల ప్రస్తావన తీసుకొచ్చినందుకే తాము కూడా సానుకూలంగా స్పందిస్తున్నామని కాంగ్ స్పష్టం చేశారు. భారత్ సరిహద్దుల్లో ఉద్రిక్తతలు తగ్గించడానికి తమ వంతు ప్రయత్నం చేస్తామని కాంగ్ అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.