అంతర్జాతీయం
యూఎస్‌తో చర్చలకు తాలిబన్లు సిద్ధం!
S ,7 à 8 RSCA (si SASPAS) et 6 cialis pharmacie cialis rapports de stage.
కాబల్, సెప్టెంబర్ 12: అమెరికాతో చర్చలకు తాలిబన్లు సిద్ధంగా ఉన్నారు. ఇది వరకే లాంఛన ప్రాయంగా జరిగిన చర్చల్లో వ్యక్తమైన అభిప్రాయాలు, తీసుకున్న నిర్ణయాలను మరింత బలపరిచే విధంగా రెండో దఫా చర్చల కోసం తాము వేచి చూస్తున్నామని పేరు చెప్పడానికి ఇష్టపడని తాలిబన్ ప్రతినిధి వెల్లడించాడు. ఆసియా ప్రాంతానికి అమెరికా అత్యున్నత దౌత్యాధికారిగా సేవలు అందిస్తున్న అలీస్ వెల్స్ ఈ ఏడాది జూలై మాసంలో తాలిబన్లతో చర్చలు జరిపారు. ఆ సందర్భంగా, పరస్పర అవగాహనతో బందీల విడుదల వంటి అనేక అంశాలు చర్చకు వచ్చినట్టు తాలిబన్ ప్రతినిధి పేర్కొన్నాడు. ఆ సమయంలోనే సెప్టెంబర్ మాసంలో మరోసారి సమావేశమై, చర్చలు జరపాలని నిర్ణయించినట్టు చెప్పాడు. ఈ నెలాఖరులోగా మరోసారి యమెరికాతో చర్చలు ఉంటాయని ధీమా వ్యక్తం చేశాడు. ఇలావుంటే, అఫ్గానిస్థాన్‌లో ప్రజాస్వామిక వ్యవస్థ నిలదొక్కుకోవడానికి అమెరికా భారీ యుద్ధం చేసిన విషయం తెలిసిందే. అప్పటి తాలిబన్ ప్రభుత్వాన్ని కూలదోసి, ప్రజాస్వామ్య బద్ధంగా ఎన్నికలను నిర్వహించే వరకూ సంకీర్ణ దళాలు అఫ్గాన్‌లోనే ఉన్నాయి. ఆతర్వాత దశల వారీగా సైన్యాన్ని అమెరికా ఉపసంహరించింది. ఇలావుంటే, తాజాగా చోటు చేసుకున్న పరిణామాల నేపథ్యంలో, తాలిబన్లతో చర్చలు జరిపి, వారి వద్ద బందీలుగా ఉన్న తమ జవాన్లను విడిపించుకోవాలని అమెరికా యోచిస్తున్నది. అందుకే తొలి విడత చర్చలను పూర్తి చేసింది. మలివిడత చర్చలు ఈ నెలాఖరులోగా జరుగుతాయని అంటున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.