అంతర్జాతీయం
త్వరలోనే కిమ్‌ను కలుస్తా
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, సెప్టెంబర్ 25: త్వరలోనే ఉత్తర కొరియా అధినేత కిమనన్ జాంగ్‌తో రెండవ విడత చర్చలు జరపనున్నట్లు అమెరికా అధ్యక్షుడు డొనాల్ట్ ట్రంప్ ప్రకటించారు. అణు నిరాయుధీకరణపై ఇటీవల సింగపూర్‌లో చర్చల జరిపామన్నారు. ఈ చర్చల అమలు ఎంతవరకువచ్చిందనే అంశంపై వచ్చే సమావేశంలో కూలంకషంగా మాట్లాడనున్నట్లు ఆయన చెప్పారు. కొరియా ద్వీపకల్పంతో పాటు ప్రపంచ వ్యాప్తంగా శాంతి నెలకొనే దిశగా అమెరికా నిరంతరం కృషి చేస్తుందన్నారు. ఈ ఏడాది జూన్‌లో అమెరికా, ఉత్తర కొరియా అధినేతలు సింగపూర్‌లో శిఖరాగ్ర చర్చలు జరిపిన విషయం విదితమే. ప్రపంచ వ్యాప్తంగా ఈ భేటీకి ఎనలేని ప్రాధాన్యత ఏర్పడింది. కాని ఈ సందర్భంగా జరిగిన చర్చల వల్ల ఇంతవరకు సాధించింది శూన్యమనే విమర్శలు ఉన్నాయి. రెండవ విడత చర్చలు జరిగేందుకు అనువైన ప్రదేశం కోసం కసరత్తు జరుగుతోంది. ఐక్యరాజ్యసమితి సర్వసభ్య సమావేశాల సందర్భంగా ట్రంప్ దక్షిణాఫ్రికా అధ్యక్షుడు మూన్ జా ఇన్ తో మాట్లాడారు. ట్రంప్ విలేఖర్లతో ముచ్చటిస్తూ పై అంశాలను వెల్లడించారు. కిమ్ పారదర్శకంగా వ్యవహరించారని, అరమరికలు లేకుండా మాట్లాడుకున్నామన్నారు. గత ఏడాది ఇదే సమావేశంలో ట్రంప్ మాట్లాడుతూ కిమ్‌పై విరుచుకుపడ్డారు. కిమ్ ఒక రాకెట్ మ్యాన్ అని, ఉత్తరకొరియా తమ దారికి రాకపోతే నాశనం చేస్తామని కూడా బెదిరించారు. ట్రంప్ మానసికస్థితి బాగాలేదని ఉత్తరకొరియా అప్పట్లో ఘాటుగా స్పందించింది. ఇటీవల మూన్ ఉత్తరకొరియా అధ్యక్షుడు కిమ్‌ను కలిశారు. ఈ విశేషాలను ట్రంప్‌కు వివరించారు. సింగపూర్ చర్చల తర్వాత దక్షిణ, ఉత్తర కొరియా దేశాల మధ్య సంబంధాలు మెరుగుపడ్డాయి. మిసైళ్ల పరీక్షను ఉత్తరకొరియా నిలుపుదల చేసింది. మిసైళ్ల పరీక్షల వల్ల ఇరు దేశాల మధ్య ఉద్రిక్తతలు దశాబ్ధాల తరబడి కొనసాగుతోంది. ఉత్తర కొరియాతో సత్సంబంధాల కోసం తాపత్రయపడుతున్నారని, కాని ఆ దేశంలో మానవ హక్కుల ఉల్లంఘనపై అంతర్జాతీయంగా దేశాలు పట్టించుకోవడంలేదనే విమర్శలు ఉన్నాయి.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.