అంతర్జాతీయం
చైనాది పక్షపాత వాణిజ్యం
S ,7 à 8 RSCA (si SASPAS) et 6 cialis pharmacie cialis rapports de stage.
వాషింగ్టన్, అక్టోబర్ 13: చైనా పక్షపాతంతో కూడిన వాణిజ్య విధానాలను అనుసరిస్తోందని, అందువల్లే తన పాలనా యంత్రాంగం గతంలో ఎన్నడూ లేని రీతిలో ఆ దేశంపై ఆంక్షలు విధించిందని అమెరికా అధ్యక్షుడు డొనాల్డ్ ట్రంప్ పేర్కొన్నారు. చైనా అమెరికాకు ఎగుమతి చేసే సరుకులపై ట్రంప్ ప్రభుత్వం జూన్ నెల నుంచి క్రమంగా సుంకాలను పెంచుతూ వస్తోంది. అమెరికా, చైనా మధ్య బిలియన్ల డాలర్ల మేరకు ఉన్న వాణిజ్య లోటును తగ్గించాలని ట్రంప్ డిమాండ్ చేస్తూ వస్తున్నారు. అమెరికాలోకి చైనా సరుకుల దిగుమతులపై ఆయన అసాధారణ స్థాయిలో ఆంక్షలు విధించారు. చైనాతో వాణిజ్యంలో అమెరికా సుమారు 500 బిలియన్ డాలర్ల వాణిజ్య లోటును కలిగి ఉంది. ఇంత భారీగా వాణిజ్య లోటును అమెరికా భరించజాలదని ట్రంప్ వాదిస్తున్నారు. ఈ నేపథ్యంలో ఓహియోలో శుక్రవారం జరిగిన ఒక ఎన్నికల సభలో ట్రంప్ మాట్లాడుతూ ‘చైనా అనుసరిస్తున్న పక్షపాతపూరితమయిన వాణిజ్యానికి వ్యతిరేకంగా మేము గతంలో ఎన్నడూ లేని విధంగా కఠిన చర్యలు తీసుకున్నాం’ అని చెప్పారు. చైనానుంచి దిగుమతి అయ్యే సరుకులపై అమెరికా 25 శాతం అదనపు సుంకాన్ని విధించింది. దీంతో దిగుమతి సుంకాలు 250 బిలియన్ డాలర్లు పెరిగాయి. చైనాతో అణు సాంకేతిక పరిజ్ఞాన వాణిజ్యంపైనా కొత్త ఆంక్షలను విధించింది. చైనా తన మేధోసంపత్తిని దొంగిలిస్తోందని అమెరికా ఆరోపిస్తూ, దానికి వ్యతిరేకంగా కూడా చర్యలు తీసుకుంటోంది. చైనా విధానానికి సంబంధించి తన ప్రభుత్వం సాధించిన విజయాలను ట్రంప్ ఓహియో సభలో ఏకరువు పెట్టారు. చైనా దిగుమతులపై ముఖ్యంగా ఉక్కుపై దిగుమతి సుంకాలను పెంచడం వల్ల ఓహియో ఉక్కు పరిశ్రమ, అమెరికా ఉక్కు పరిశ్రమ తిరిగి పుంజుకున్నాయని, త్వరలోనే అత్యంత విజయవంతమయిన సంవత్సరాల స్థాయికి తిరిగి చేరుకుంటాయని ఆయన అన్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.