అంతర్జాతీయం
‘పోలీస్ రోబో ’ వచ్చేసింది....
S ,7 à 8 RSCA (si SASPAS) et 6 cialis pharmacie cialis rapports de stage.
సింగపూర్, నవంబర్ 14: ఇళ్లల్లో పనులు చేసే రోబోలు ఇప్పటికే మార్కెట్‌లో అందుబాటులోకి వస్తే, ఇప్పుడు ‘రోబో పోలీస్’ కూడా వచ్చేశాడు. భద్రతా విధులను నిర్వర్తిస్తున్న ఈ అత్యాధునిక సాంకేతిక పరిజ్ఞానంతో తయారైన ‘రోబోకాప్’ అందరినీ ఆకట్టుకుంటున్నది. నాలుగు చక్రాల మీద వేగంగా అటూఇటూ తిరుగుతూ, తల భాగంలో ఏర్పాటు చేసిన కెమేరాను నలుదిక్కులా తిప్పుతూ, అవసరమైన సమాచారాన్ని సేకరిస్తున్న ఈ రోబోను చూసిన ప్రతి ఒక్కరూ దానితో సెల్ఫీ దిగేందుకు ఉత్సాహపడుతున్నారు. సుమారు ఐదు అడుగుల ఎత్తుగల ఈ రోబోకాప్ సింగపూర్‌లోని ఒక కనె్వన్షన్ సెంటర్‌లో హల్‌చల్ చేస్తున్నది. ఎరుపు, నీలం రంగుల్లో ఫ్లాష్ లైట్లతో ముచ్చటగొలిపే ఈ రోబో తలను 360 డిగ్రీల వృత్తంలో ఎటైనా తిప్పగలదు. ఆ ప్రాంతానికి సంబంధించిన ఫొటోలు తీసి, మానీటర్‌కు పంపగలదు. ముందుగానే ఖరారు చేసిన దారిలో, ఎవరి సాయం లేకుండా ఒంటరిగా వెళ్లగలదు. భద్రతా ఏర్పాట్లలో పోలీసుల మాదిరే అద్భుతమైన సేవలు అందించే సత్తా ఉన్నప్పటికీ, ఈ రోబోను చాలా మంది ఒక పెద్ద బొమ్మలాగా చూడడం విశేషం. కనె్వన్షన్ సెంటర్‌కు వచ్చిన వారంతా దీనిని ఒక పోలీస్‌గా భావించకుండా, సెల్ఫీలు దిగేందుకు పోటీపడ్డారు. రోబోకాప్ చాలా బాగుందని, ఒక బొమ్మలా అలరిస్తున్నదని చైనా నుంచి సింగపూర్ పర్యటనకు వచ్చిన రువాన్ మిన్ వ్యాఖ్యానించాడు.
రోబోను చూసిన మిగతా వారు కూడా దాదాపు ఇలాంటి అభిప్రాయానే్న వ్యక్తం చేస్తున్నారు. ఇలావుంటే, భవిష్యత్తులో సమస్యాత్మక ప్రాంతాలతోపాటు, వివిధ వాణిజ్య సముదాయాలు, రద్దీ ఎక్కువగా ఉండే మార్కెట్లలో రోబోకాప్ సేవలు విస్తృతమవుతాయని దీని తయారీదారులు అంటున్నారు.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.