అంతర్జాతీయం
తండ్రి చేతిలో చిత్రహింసలు
S ,7 à 8 RSCA (si SASPAS) et 6 cialis pharmacie cialis rapports de stage.
లాస్ ఏంజిల్స్, జూలై 11: పాప్ సంగీత ప్రపంచానికి రారాజుగా వెలిగిపోయిన మైఖేల్ జాక్సన్ అత్యంత దుర్భరమైన జీవితాన్ని అనుభవించాడు. ప్రత్యేకించి కన్నతండ్రి జో చేతిలో చిత్ర హింసలు అనుభవించాడు. ఈ విషయాలను అతనికి వ్యక్తిగత వైద్యుడిగా సేవలు అందించిన కన్‌రాడ్ ముర్రే తాజాగా విడుల చేసిన ‘ది బ్లాస్ట్’ వీడియోలో వెల్లడించాడు. జాక్సన్ గొంతులో మార్ధవం ఏమాత్రం తగ్గకుండా, కొద్దిగా అమ్మాయిని పోలిన గొంతుకతో పాడేందుకు వీలుగా జో అతనిని మందులతో నపుంసకుడిగా మార్చేశాడని ఆరోపించాడు. ఇటీవలే తన 89 ఏళ్ల వయసులో మృతిచెందిన జో పట్ల తనకు ఎలాంటి గౌరవం లేదని, నిజానికి అతని మరణం తనకు ఆనందాన్ని ఇచ్చిందని ముర్రే పేర్కొన్నాడు. ‘ప్రపంచంలోనే జో లాంటి క్రూరుడైన తండ్రి మరొకడు ఉండడు. సొంత కొడుకునే చిత్రహింసలు పెట్టాడు. అతనికి విపరీతంగా డ్రగ్స్‌ను అలవాటు చేశాడు. ఔషధాల సాయంతో నపుంసకుడిగా మార్చేశాడు. అమ్మాయిని పోలిన గొంతుతో జాక్సన్ పాడిన పాటలకు ప్రపంచ వ్యాప్తంగా విపరీతమైన క్రేజ్ ఉండడాన్ని గమనించిన జో అతనికి పురుషుడి గాత్రం రాకుండా జాగ్రత్తపడ్డాడు. అందుకే, అతడిని నపుంసకుడిగా మార్చేశాడు. ఒత్తిడికి గురికాకుండా ఉండడానికి, అలసట తెలియకుండా నిరంతరం ప్రదర్శనలు ఇవ్వడానికి వీలుగా డ్రగ్స్ కూడా అలవాటు చేశాడు’ అని వివరించాడు. జో నుంచి జాక్సన్ ఎదుర్కొన్న సమస్యలు బహుశా ఏ కుమారుడికీ తండ్రి నుంచి ఎదురై ఉండవని వ్యాఖ్యానించాడు. 2009లో జాక్సన్ హఠాన్మరణం యావత్ ప్రపంచాన్ని దిగ్భ్రాంతికి గురి చేసింది. విపరీతంగా మాదక ద్రవ్యాలు వాడినందుకే జాక్సన్ మృతి చెందాడని, ఇందుకు ముర్రేనే కారణమని జో ఆరోపించాడు. అంతేగాక, అతనిపై హత్య నేరాన్ని మోపుతూ కేసు పెట్టాడు. ఆ తర్వాత హఠాత్తుగా కేసును ఉపసంహరించుకున్నాడు. అయితే, అప్పటికే ముర్రే రెండేళ్లు జైలులో గడపాల్సి వచ్చింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.