అంతర్జాతీయం
లష్కరే తోయిబాతో బహుపరాక్
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, జూలై 21: పాకిస్తాన్‌లో ఈనెల 25న జరిగే సాధారణ ఎన్నికల్లో లష్కరే తోయిబా అనుబంధ సంస్థలకు చెందిన వ్యక్తులు దాడులకు దిగే అవకాశం ఉందని, ముందుజాగ్రత్త చర్యగా దేశమంతటా భద్రతాపరంగా సురక్షిత చర్యలు చేపట్టాలని అమెరికా హెచ్చరించింది. పాక్ ఎన్నికల్లో లష్కరే తోయిబా అనుబంధ సంస్థల వ్యక్తులు పాలుపంచుకునే అవకాశం ఉందని తాము ఇంతకుముందు ఎన్నోసార్లు పాక్ ప్రభుత్వ దృష్టికి తీసుకువెళ్లామని తెలిపింది. ఇందుకు అనుగుణగా ఎన్నికలు జరిగే ప్రాంతాల్లో పటిష్ట బందోబస్తు ఏర్పాట్లతోపాటు ప్రజాజీవనానికి ఎలాంటి అవరోధం కలుగకుండా చూడాలని యూఎస్ స్టేట్ డిపార్ట్‌మెంట్ సూచించిందని ‘డాన్’ అనే పత్రిక పేర్కొంది. అమెరికా ముందస్తు హెచ్చరికల నేపథ్యంలో గత నెలలో మిల్లీ ముస్లిం లీగ్ (ఎంఎంఎల్) పార్టీ రిజిస్ట్రేషన్ కోసం దాఖలు చేసిన పిటిషన్‌ను పాకిస్తాన్ ఎన్నికల కమిషన్ తిరస్కరించిందని ఆ పత్రిక తెలిపింది. వివిధ ఎన్నికల ర్యాలీలలో ఇటీవల పలువురు రాజకీయ నాయకులపై తీవ్రవాదుల దాడులు, దౌర్జన్యాల నేపథ్యంలో ఎన్నికలు జరిగే అన్ని ప్రాంతాల్లోనూ తగిన సరైన భద్రతా చర్యలు చేపట్టాలని అమెరికా సూచించిందని ఆ పత్రిక పేర్కొంది. పాకిస్తాన్‌లో ఈనెలలో నిర్వహించే సాధారణ ఎన్నికలు ప్రశాంతంగా ఎలాంటి అపోహలకు తావీయకుండా, టెర్రరిస్టుల దాడులకు ఎలాంటి ఆస్కారం ఇవ్వకుండా జరగాలని జపాన్ ఫారెన్ మినిస్టర్ టారో కొనొ ఆశాభావం వ్యక్తం చేశారు. రాజకీయ నాయకులు, వారి మద్దతుదారులపై దాడులు చేయడం పాక్ ప్రజల ప్రజాస్వామ్య హక్కులను హరించడమేనని వాషింగ్టన్ స్టేట్ డిపార్ట్‌మెంట్ అధికార ప్రతినిధి హీథర్ నాయెర్ట్ పేర్కొన్నారు. ఎన్నికల్లో పాల్గొనే వివిధ రాజకీయ పార్టీల నాయకులకు తగిన భద్రతా చర్యలు తీసుకోవాలని యూఎస్ సూచించింది. ప్రజలు కూడా ఎలాంటి భయాందోళన చెందాల్సిన అవసరం లేదని, అందుకు ప్రభుత్వం గట్టి పటిష్ట బందోబస్తు ఏర్పాటు చేస్తుందని తాము ఆశాభావం వ్యక్తం చేస్తున్నట్టు తెలిపింది.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.