అంతర్జాతీయం
సాదాసీదాగా ప్రమాణ స్వీకారం
S ,7 à 8 RSCA (si SASPAS) et 6 cialis pharmacie cialis rapports de stage.
ఇస్లామాబాద్, ఆగస్టు 2: పాకిస్తాన్ ప్రధానిగా పదవీ బాధ్యతలను ఈ నెల 11న స్వీకరించనున్న ఇమ్రాన్ ఖాన్ ఈ కార్యక్రమాన్ని కేవలం దేశానికి మాత్రమే పరిమితం చేయాలని, సాధ్యమైనంత వరకూ సాదాసీదాగా పూర్తి చేయాలని నిర్ణయించుకున్నారు. ఇటీవల జరిగిన పాక్ జాతీయ అసెంబ్లీ ఎన్నికల్లో మాజీ క్రికెటర్ ఇమ్రాన్ నాయకత్వంలోని పాకిస్తాన్ తెహ్రీక్ ఇ ఇన్సాఫ్ (పీటీఐ) అతి పెద్ద పార్టీగా అవతరించిన విషయం తెలిసిందే. ప్రభుత్వాన్ని ఏర్పాటు చేయడానికి కావాల్సిన కనీస బలం లేకపోయినప్పటికీ, ఇతర పార్టీలు లేదా స్వతంత్రుల మద్దతుతో అధికార పగ్గాలు చేపట్టడానికి కపిల్ సిద్ధమయ్యారు. కాగా, భారత ప్రధాని నరేంద్ర మోదీతోపాటు బాలీవుడ్ స్టార్ అమీర్ ఖాన్, మాజీ క్రికెటర్లు కపిల్ దేవ్, సునీల్ గవాస్కర్, నవ్‌జ్యోత్ సింగ్ సిద్ధు తదితరులను పదవీ స్వీకారోత్సవానికి ఇమ్రాన్ ఆహ్వానిస్తారని వార్తలు వచ్చాయి. ఒకవేళ ఆహ్వానం అందినా తాను వెళ్లబోనని అమీర్ ఇది వరకే ప్రకటించాడు. ఇలావుంటే, అసలు విదేశీ నేతలనుగానీ, ప్రముఖులనుగానీ పిలవకుండానే ప్రమాణ స్వీకారం చేయాలని ఇమ్రాన్ నిర్ణయించారు. అత్యంత సన్నిహితులు, పార్టీ నాయకులు, కొంత మంది ప్రముఖులను మాత్రమే ఆహ్వానించాలని ఇమ్రాన్ అనుకుంటున్నట్టు పీటీఐ అధికార ప్రతినిధి ఫవాద్ చౌదరి తెలిపారు. అదేవిధంగా విదేశాల్లో ఉన్న కొంతమంది తన స్నేహితులను ఇమ్రాన్ ఆహ్వానించే అవకాశాలున్నాయని తెలిపారు. అట్టహాస కార్యక్రమాలు ఏవీ ఉండవని, సాదాసీదాగా ప్రమాణ స్వీకారం పూర్తవుతుందని పేర్కొన్నారు. ఇమ్రాన్ గతంలో ప్రకటించినట్టు విదేశాల్లోని సన్నిహితులను ఆహ్వానిస్తే ఆ జాబితాలో కపిల్, గవాస్కర్, సిద్ధు తదితరులు ఉండవచ్చు. పిలిస్తే వెళ్తానని సిద్ధూ ఇప్పటికే ప్రకటించిన విషయం తెలిసిందే.
Related Articles
రోమ్, మార్చి 22: ప్రపంచవ్యాప్తంగా కరోనా వైరస్ తీవ్రత మరింత జఠిలంగా మారుతోంది. దాదాపు 100 కోట్ల మంది ఇళ్లకే పరిమితమైపోయే పరిస్థితి తలెత్తింది. ఇప్పటివరకు మరణించినవారి సంఖ్య 13,444కు పెరిగింది. దాదాపు 170 దేశాల్లో ఈ వ్యాధి తీవ్రత పెరుగుతోంది. దాదాపు 35 దేశాలు లాక్ డౌన్ పరిస్థితిలోకి వెళ్లిపోయాయి.
వాషింగ్టన్: చైనా కరోనా వైరస్ విషయంలో చాలా గోప్యంగా వ్యవహరించిందని, ఈ సమాచారాన్ని సకాలంలో ప్రపంచ దేశాలతో పంచుకోలేదని అమెరికా అధ్యక్షుడు డొనాల్డ్ ట్రంప్ విమర్శించారు.
వాషింగ్టన్: కరోనా వైరస్ భయంతో అమెరికా వణికిపోతున్నది. విదేశాల నుంచి వచ్చే వారి సంఖ్యను పరిమితం చేసే దిశగా చర్యలు చేపట్టింది. అదేవిధంగా వివిధ కార్యక్రమాలనూ రద్దు చేసుకుంది. అందులో భాగంగానే స్పెయిన్ రాజు ఫెలిప్-6, రాణి లెటిజియా పర్యటనకు బ్రేక్ వేసింది.
కరోనా వైరస్ దెబ్బకు కరచాలనాలు, ఆలింగనాలు పోయి నమస్తే పెట్టడం అలవాటవుతోంది. విదేశాల్లోనూ ‘నమస్తే’ సంప్రదాయాన్ని పాటిస్తున్నారు. జకార్తాలో నెదర్లాండ్స్ రాజు విలియమ్ అలెగ్జాండర్, ఇండోనేషియా విదేశాంగ మంత్రి రెంటో మర్సూదీ ఒకరినొకరు ‘నమస్తే’తో పలకరించుకున్నారు
బార్సిలోనా, మార్చి 15: ప్రాణాంతక మహమ్మారి కరోనా వైరస్ వ్యాప్తిని కట్టడి చేయలేక ప్రపంచ దేశాలు కకావికలవుతున్నాయి. దాదాపు అన్ని దేశాలను కమ్ముకుని ఈ వైరస్ ఇప్పటివరకు దాదాపు 6వేల మందిని బలిగొంది. ప్రపంచవ్యాప్తంగా 1.50 లక్షలకు పైగా ఈ ప్రాణాంతక వ్యాధి సోకి అల్లాడుతున్నారు.