రాష్ట్రీయం
టెక్నాలజీ అనుసంధానంతో కొత్త విధానాల రూపకల్పన అవసరం
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, నవంబర్ 11: టెక్నాలజీ అనుసంధానంతో పరిపాలనలో కొత్త విధానాలను రూపొందించాల్సిన అవసరం ఉందని రాష్ట్ర ఐటీ శాఖ మంత్రి లోకేష్ అన్నారు. దుబాయ్‌లో వరల్డ్ ఎకనామిక్ ఫోరం నిర్వహిస్తున్న గ్లోబల్ ఫ్యూచర్ కౌన్సిల్ సమావేశంలో ఆదివారం ఆయన మాట్లాడారు. ఎజైల్ గవర్నెన్స్‌పై జరిగిన చర్చలో మంత్రి లోకేష్ మాట్లాడుతూ టెక్నాలజీ అనుసంధానంతో ప్రజలకు మెరుగైన సేవలు అందించడంలో పాలనలో మార్పులు రావాల్సి ఉందన్నారు. అభివృద్ధి పనులు చేపట్టేందుకు, ప్రజలకు మెరుగైన సేవలు అందించేందుకు కాలానుగుణంగా ప్రభుత్వాలు వేగంగా నిర్ణయాలు తీసుకోవాలన్నారు. ప్రపంచ వ్యాప్తంగా అందుబాటులోకి వస్తున్న టెక్నాలజీని వినియోగించుకుని కొత్త విధానాలు, మార్పులు పాలనలో తీసుకురావాలన్నారు. అందుబాటులో ఉన్న సమాచారం, టెక్నాలజీని వినియోగించుకుని ప్రజల సమస్యలు పరిష్కరించాలన్నారు. ప్రస్తుతం ఏపీలో గవర్నెన్స్ 2.0 అమలు చేస్తున్నామని, ఆర్టీజీ ద్వారా మెరుగైన సేవలు అందిస్తున్నామన్నారు. 10లక్షల ఐవోటీ పరికరాలు ఉపయోగిస్తున్నామని, రియల్ టైమ్‌లో మంచినీటి నాణ్యత, భూసార పరీక్షలు, రిజర్వాయర్లలో నీటి స్థాయి, భూగర్భ జలాల లభ్యత, వాతావరణ పరిస్థితులను తెలుసుకుంటున్నామని వివరించారు. ఆర్టీజీలో భాగంగా ఏర్పాటు చేసిన కాల్‌సెంటర్ ద్వారా కాల్స్ చేస్తూ ప్రజల సంతోష సూచీని ఎప్పటికప్పుడు తెలుసుకుంటున్నామన్నారు. ప్రభుత్వ సంక్షేమ పథకాల అమలుతీరు, ప్రజలు ఎదుర్కొంటున్న సమస్యలు పరిష్కరించడంపై ప్రత్యేక కార్యాచరణ అమలు చేస్తున్నామన్నారు. ఏపీలో సమాచారం అందరికీ అందుబాటులో ఉంచుతున్నామన్నారు. భూ వివరాలను డిజిటలైజ్ చేస్తున్నామని, బ్లాక్‌చైన్ టెక్నాలజీ ద్వారా భూ రికార్డుల ట్యాంపరింగ్ జరగకుండా రక్షణ కల్పిస్తున్నామన్నారు. డ్రోన్లు ఉపయోగించి రియల్ టైమ్‌లో భూపరీక్షలు నిర్వహించే టెక్నాలజీపై మిలిండా గేట్స్ ఫౌండేషన్‌తో కలిపి పనిచేస్తున్నామన్నారు. రహదారుల నాణ్యతను లైడార్ టెక్నాలజీతో తెలుసుకుంటున్నామన్నారు. కాగిత రహిత పాలనపై దృష్టి సారించామన్నారు. అన్ని శాఖల్లో ముఖ్యమైన పనితీరు సూచికలు ఏర్పాటు చేసుకున్నామని, వీటిద్వారా శాఖల పనితీరు మరిం త మెరుగుపరిచేందుకు ప్రయత్నిస్తున్నామని లోకేష్ వివరించారు.
చిత్రం..దుబాయ్ పారిశ్రామికవేత్తలతో మంత్రి లోకేష్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.